LEGAZPI CITY – Kritikal ang kalagayan sa ospital ng isang 62-anyos lola makaraan sabuyan ng gasolina at silaban ng kanyang kapitbahay sa lalawigan ng Catanduanes kamakalawa.
Napag-alaman, pinaghinalaan ng suspek na si Marjal Pacay, 39, na mangkukulam ang biktimang kinilalang si Merly Tioxon, kapwa residente ng Salvacion St., Brgy. Canlubi, sa bayan ng Virac.
Naglalakad ang biktima sa daan nang bigla siyang salubungin ng suspek saka sinabuyan ng gasolina sa mukha at sinilaban. Ang biktima ay dumanas ng 3rd degree burn sa mukha at katawan.
Sa imbestigasyon ng pulisya, lumalabas na galit ang suspek sa biktima dahil ang matanda sinisisi sa pagkamatay ng kanyang kapatid na hinihinalang kinulam.
Patuloy na pinagha-hanap ng mga awtoridad ang suspek na agad tumakas makaraan ang insidente. (BETH JULIAN)