Friday , March 29 2024

Kurikit (Ang Duwendeng Makulit) (Ika-2 labas)

00 duwende_logo

NABIGO SI KURIKIT SA KANYANG SUHESTIYON KAY HARING HOBITO PERO INAKALA NIYANG IYON AY DEMOKRASYA

“Hindi po tayo nakikita ng mga taong mortal. Tayo po ang nakakakita sa kanila… Hindi po ba mas dapat na tayo ang umiwas sa kanila bago pa nila tayo maperhuwisyo?” ang pasimula ni Kurikit.

Napatingala ang hari sa binatang duwende. Kunot-noo, naging mala-estatuwa sa matagal na nag-isip.

“Isa pa po, nagtataglay tayo ng mga pambihirang kapangyarihan… Sa isang kisap-mata lamang ay kaya nating ma-kagawa ng kamangha-manghang mga bagay … Pero bakit po sa punso natin itinatayo ang ating mga tirahan? Hindi po ba pwedeng gawin ‘yun sa ilalim ng lupa ng kaharian nating mga duwende para ‘di tayo ma-gambala ng mga taong mortal?” mungkahi pa ni Kurikit kay Haring Habito.

“Sarado na ang inihain kong usapin… Sundin natin ang gusto nang nakararami,” anito bilang tuldok sa mga hirit ni Kurikit.

Tulad ng gobyerno ng tao sa pormang demokrasya, ang kahariang Hobitsky ay mayroong tatlong sangay rin: lehislatura na tagalikha ng batas; hudikatura na tagapag-hukom; at ehekutibo na nagpapasiya at nagpapatupad ng mga batas. Ga-yonman, sa mga sangay na nabanggit ay mga kapasiyahan din naman ni Haring Hobito ang nangingibabaw.

“Mula sa araw na ito, kamatayan ang magiging katumbas ng pananakit sa atin ng mga taong mortal!” anito sa pagtatatak ng selyo sa katitikan ng nabuong kapasiyahan.

Desmayadong umuwi si Kurikit sa kanilang tirahang punso. Agad namang napansin ng inang si Kookay ang kanyang pananamlay. At nang mag-usisa ay naikuwento niya ang dahilan niyon.

“Naku, anak, hindi ka sana sumakay sa kaek-ekan ni Haring Hobito… Pa-etching lang niya ‘yun para ipakitang umiiral sa kanyang kaharian ang demokratikong sentralismo,” ang nasabi ng kanyang ina.

“P-pero, tama naman po ang mga ipinunto ko kanina kay Ha-ring Hobito, ‘di ba?” katuwiran ng binatang duwende.

“Anak, ang tama o mali ay depende lagi sa pananaw at interes ng apektadong panig. Kapag pabor sa panig nito ang ano mang aksiyon o reaksiyon, ‘yun ang tama para rito. At mali naman ‘yun sa kabilang panig dahil ‘di ito ang pinapaboran,” paglilinaw kay Kurikit ng matalinong ina.

(Itutuloy)

ni Rey Atalia

About hataw tabloid

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *