Thursday , March 28 2024

PNoy ‘di na uulit

WALANG balak si Pangulong Benigno Aquino III na labagin ang batas at palawigin pa ang kanyang termino kahit pa may gumugulong na online petition na humihiling na manatili siya sa Palasyo matapos ang 2016.

Sinabi ni Communications Secretary Herminio Coloma, Jr., malinaw ang nakasaad sa Saligang Batas na hanggang isang termino o anim na taon lang ang panunugkulan ng Pangulo ng bansa, at determinado ang Pangulong Aquino na sundin ito.

Itinanggi ni Coloma na ang Palasyo ang nasa likod ng Facebook page na “One More Term For PNoy” na sinimulan noong nakaraang Marso na nakakuha na ng mahigit 4,000 “likes.”

“Wala po kaming kinalaman sa pagpapahayag na ganyan. ‘Yan po ay spontaneous at natural na pagpapahayag ng saloobin. Alam naman po natin ang nature ng ating social media, bukas at hayag sa lahat. Wala naman pong kumokontrol niyan,” ayon kay Coloma.

Kahit na ano pa man aniya ang sentimyento ng publiko at nilalaman ng nasabing petisyon, mananaig ang probisyon sa Konstitusyon na hanggang isang termino lang ang Pangulo ng bansa.

“Kaya sa kabila ng mga pahayag na ’yan, ang ipapaalala lang po natin sa kanila ay ‘yung probisyon ng Saligang Batas hinggil sa iisang termino lang na anim na taon.

Basta po naririnig namin at nababasa rin naman ‘yang mga ‘yan. Ano pa man ang nilalaman niyan, ang Saligang Batas pa rin po ang iiral,” dagdag ni Coloma.

(ROSE NOVENARIO)

PANAWAGAN NI KRIS NORMAL LANG – COLOMA

WALANG masama sa panawagan ni presidential sister Kris Aquino sa publiko na suportahan ang kanyang kuya na si Pangulong Benigno Aquino III, ayon sa Palasyo.

Sinabi kahapon ni Communications Secretary Herminio Coloma, Jr., normal lang sa magkakapatid ang magmalasakit sa isa’t isa at ito ang konteksto ng mensahe ni Kris para sa kanyang Kuya. “Madali naman pong maunawaan ang konteksto at kahulugan ng kanyang sinabi dahil ito naman ay likas na saloobin ng magkakapatid hinggil sa kanilang kapatid. Tayo pong mga Filipino ay mapagmahal sa ating mga kapatid at malapit po ang ating pakikipag-ugnayan sa lahat ng kasapi ng ating pamilya,” ani Coloma. (ROSE NOVENARIO)

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Leave a Reply

Your email address will not be published. Required fields are marked *