Thursday , March 28 2024

Nora, nagpagawa na raw ng 2 gown para sa declaration ng National Artist

 
ni Ed de Leon

AYAW naming maging kontrabida na naman sa simula pa lang, pero alam naman namin na hindi idedeklarang National Artist ang sino man, kabilang na si Nora Aunor noong Independence Day, kagaya ng sinasabi ng ilan niyang natitirang fans para patuloy silang mabuhayan ng loob. Alam ba ninyo kung gaano ka-busy ang isang presidente kung Independence day?

Una, kabilang siya sa isa sa mga flag ceremony na gaganapin saan mang panig ng bansa. Ngayon nga nag-out of town pa ang presidente, sa Camarines Sur siya nag-flag raising at iniwan ang higit na mahalagang flag raising ceremony sa Luneta sa Vice President na si Jojo Binay at kay Mayor Joseph Estrada na pinatalsik ng nanay niya noong maging presidente. Lalo ngang nabuhay ang ilusyon ng mga natitira pang fans ni Nora, sabi nila kaya nasa Bicol ang presidente, roon idedeklarang national artist si Nora, eh bakit siya lang ba ang idedeklara? Lahat ba ng idedeklara Bicolano? Hindi namin napanood sa TV ang seremonya sa Bicol, nabastos pa raw ang presidente, sayang nga hindi namin napanood iyon.

Pero noong gabi nang madaanan naming napakadilim ng Cultural Center, alam namin walang ginawang pasinaya, ibig sabihin walang bagong national artist. Isipin ninyo kung si Nora Aunor naideklara at ganoon kadilim sa CCP, paaano pa sila magkikita-kita roon?

Pero hindi pa rin sila nawalan ng pag-asa. Baka nga raw hindi natuloy kasi nabatos si PNoy sa Bicol, sigurado raw kinabukasan na lang. Pero wala rin. Na-Biernes trese sila. Hindi suwerte sa kanila ang full moon ng Friday the 13th. Ang sumunod na sinabi, may humarang na naman daw kasi.

Pero umaasa pa rin sila ha, baka raw sa July 4 ideklara na. Iyon na nga ang problema eh, hindi ba ang mga Kano ng humuli kay Nora dahil sa kaso ng droga sa kanilang teritoryo?

Natawa nga kami eh. Ang dami naming tawa, siguro mga 59. Dahil nag-post pa saFacebook ang isang writer na Noranian na nagpagawa pa raw ng dalawang gowns si Nora, isa para sa deklarasyon sa Malacanang, at isa para sa pasinaya sa CCP. Ewan kung saan ngayon gagamitin ang gowns na iyon.

Ang advice lang namin sa kanila, huwag nilang pangunahan ang announcement. Ilang beses na ba silang pumalpak, tapos sasabihin nila “mamay, mali ang hula”. Dami talaga naming tawa, 59.

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *