Wednesday , January 29 2020
Breaking News
You are here: Home / Showbiz / The Best of Me Concert, espesyal para kay Mark!

The Best of Me Concert, espesyal para kay Mark!

AKMANG-AKMA ang titulo ng pinakabagong konsiyerto ni Mark Bautista, ang The Best Of Me Concert. Bakit ‘ika n’yo?

Imagine, for the first time, mapapanood ninyong sumasayaw si Mark na hindi naman niya karaniwang ginagawa. This time, sa June 21 sa Crowne Plaza Manila Galleria Grand Ballroom, hindi lang ang magagandang tinig ang mapakikinggan kay Mark, bagkus pati ang talent niya sa pagsayaw.

This is also his solo show at dahil “best”, ibig sabihin, hindi lamang ang pagiging magaling niyang performer ang makikita sa concert na ito gayundin ang pagiging producer niya. Bagamat aminadong kabado dahil first time lang nag-produce, ibinigay naman lahat ni Mark ang lahat para mag-enjoy ang manonood ng Best of Me Concert.

Opo, siya ang nag-produce ng The Best of Me kaya naman extra special ito para sa singer.

“On fire ako to do this concert,” aniya. “And I’m very excited to give my audience a great show.”

Iparirinig ni Mark ang kanyang mga classic hit songs gayundin ang mga awitin mula sa kasalukuyang album, ang The Sound of Love na naglalaman ng kanyang mga personal favorite standards.

Ani Mark, ang naturang album ay dream come true para sa kanya na nakapaloob ang magagandang awitin tulad ng That’s All at Bato sa Buhangin. At tiyak na talaga namang mai-inlove ang sinumang makaririnig ng kanyang album dahil kasama rin ditto ang mga awiting When I Fall In Love, Strangers In the Night, Kailangan Kita, All The Way, Love Without Time, Love Story, Till,at What A Wonderful World.

Ipinaliwanag ni Mark na, “Gusto ko magpakita na naman ng kakaiba,” patungkol sa kanyang dancing skills.

Hindi lang pagsasayaw ang sorpresa ni Mark sa mga manonood, marami pang surprises ang naghihintay. Special guests niya sina Sitti, Rochelle Pangilinan, at Kyla.

Para sa tickets you may call Ticket World at 891-9999. Ang The Best of Me ay handog ng Pink Management & Productions at Crowne Plaza Manila Galleria. Special thanks to Calayan Surgicenter.

About hataw tabloid

Leave a Reply

Your email address will not be published. Required fields are marked *

*

Scroll To Top