Thursday , March 28 2024

Sa Daigdig ng mga Engkanto (Part 12)

HINIMATAY SI BAMBI NANG MAKITA ANG ENGKANTO SA LIKOD NG ASAWA NI INGKONG EMONG

Malakas ang halakhakan sa isang mesang okupado ng tatlong kalalakihang kostumer ng karaoke bar na may kateybol na magaganda at seksing GRO. Walang anu-ano’y bigla na lang lumitaw ang isang mabalahibong kamay na may mahahaba at matutulis ang mga kuko. At hinila nito ang dila ng isang GRO na humahagik sa pagtatawa. Humaba ‘yun nang pagkahaba-haba. Tigagal na nahintakutan ang mga kasamahan sa mesa ng GRO na bumulagta sa sementadong sahig.

Nagtilian ang mga kababaihan. At nag-kagulo ang lahat sa loob ng karaoke bar.

Noon naman ay nagtatatarang si Bambi sa pagtawag-tawag kina Zaza at Zabrina habang hawak nito ang pag-aaring cellphone. Paglapit ng mga kasamahang tinawag sa kanilang pangalan ay nanginginig na ito sa takot.

“T-tingnan n’yo… T-tingnan n’yo ‘to…” sabi ng baklita sa pag-aabot ng cellphone kina Zaza at Zabrina.

Pinagmasdang mabuti ng dalawang dalaga ang video footage na kuha sa cellphone ni Bambi. Kitang-kita roon na sa gawing likuran ng asawa ni Ingkong Emong ang imahe ng isang maligno na nakangisi.

Halos lumuwa ang mga mata nina Zaza at Zabrina sa pagkahumindik.

Ay! Si Bambi!

Nawalan ng ulirat ang baklita at lumagabog ang katawan nito sa sahig.

Naisipan nina Roby at Zaza na mamili ng kanilang mga pangangailangan sa isang convenience store sa kabayanan. Hatinggabi na ay buhay na buhay pa rin doon ang kapaligiran. Maraming tao sa paligid. Yao’t parito ang mga sasakyan.

Magkahawak-kamay na ang magkasintahan sa paglalakad-lakad sa isang kalsada habang panay ang kanilang pagkukwentuhan. At sa pagitan ng pag-inom-inom ng softdrinks sa tin can at pagkukot-kukot ng sitsirya ay pinaksa nila ang magiging laman ng kanilang thesis.

“Kung isasama natin sa thesis ‘yung pagkakuha ng larawan ni Bambi sa maligno ay baka pagtaasan lang tayo ng kilay ng prof natin… o baka pagtawanan pa tayo,” nasabi ni Zaza kay Roby.

“Bigla na lang kasing na-delete ‘yun sa photo gallery ng cp ni Bambi, e,” naikatwiran ng binata sa nobya.

(Itutuloy

ni Rey Atalia

About hataw tabloid

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *