Thursday , March 28 2024

UCPB director resign (Graft vs PCGG dahil sa UST dean)

052314_FRONT

PINAYUHAN ni Atty. Oliver San Antonio, abogado at tagapagsalita ng National Filipino Consumers (NCFC)  si United Coconut Planters Bank (UCPB) board member na si Atty. Nilo Divina, ang kasalukuyang Dean ng UST Law Faculty, na magbitiw na lamang matapos mabunyag na kinuha rin external counsel ng nasabing banko sa dalawang kasong isinampa laban sa Presidential Commission on Good Government (PCGG) sa isang hukuman sa Makati City.

“Marahil ay nakaligtaan ng UCPB board ang mga alituntuning etikal sa pagkuha sa serbisyo ng kapwa-kasapi dahil sa paniniwala nila sa kakayanan bilang abogado,” ayon kay San Antonio na isang dating propesor sa legal ethics.

Ngunit sa pahayag ni San Antonio, sinabi niyang “mas maiging papiliin na lamang ang UST Law Dean kung alin ang nais niyang papel sa UCPB,” upang matanggal ang anomang pagdududang dala ng pagkakakuha ng banko sa serbisyo ng Divina Law firm.

“Sa ipinakitang galit ng taong bayan sa Napoles case, hinihingi ng pagkakataon na ang mga itinalagang taong gobyerno ay umiwas sa anomang impresyon ng pagkatiwali, dahil hindi na muling palalampasin ng bansa ang pagpapayaman sa kapangyarihan,” paliwanag ni San Antonio.

Dalawang kasong sibil ang isinampa ng Divina Law sa hukuman sa Makati – ang una ay para sa UCPB laban sa Coconut Industry Investment Fund Oil Mills Group (CIIF OMG) at sa PCGG; at ang pangalawa ay para sa COCOLIFE laban sa Coconut Industry Investment Fund Oil Mills Group (CIIF OMG) at sa PCGG.

Ang mga petisyon ng UCPB at COCOLIFE ay humihiling sa hukuman na tukuyin nang tuluyan  kung ang parte ng P71 bilyon coco levy fund shares na nauna nang tinukoy ng Korte Suprema bilang pampublikong pondo at nasa pangangalaga ng UCPB ay pag-aari ng nasabing banko. Ang inaangking shares ng UCPB ay nagkakahalaga ng P15.6 bilyon.

Sa kaugnay na ulat, mariing tinutulan ng militanteng grupo ang aksyon ng UCPB sa coco levy fund na pagmamay-ari ng publiko. Ipinoprotesta ng Kilusang Magbubukid ng Pilipinas (KMP) at ng claimants movement na Coco Levy Funds Ibalik sa Amin (CLAIM) ang ‘di makatarungang pagsampa ng mga kasong ito lalo na ni KMP Chairperson Rafael Mariano na nagsabing ang mga hakbang na ito ng banko ay “lubos na di katanggap-tanggap.”

“Malaking insulto ito sa milyon-milyong maliliit na magniniyog sa bansa. Walang karapatan ang UCPB na angkinin ang kahit na isang kusing sa coco levy funds,” ayon sa lider militante.

HATAW News Team

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *