Friday , March 29 2024

Bodyguard ng ama ni Kim Chiu arestado

ARESTADO ang isang miyembro ng Philippine Army na sinabing suma-sideline bilang bodyguard ng negosyanteng ama ng young actress na si Kim Chiu nang positibong kilalanin ng isang saksi na siyang bumaril sa dalawa katao sa Occidental Mindoro kamakailan.

Kinilala ng pulisya ang suspek na si Saldie Santillan y Lozada samantala ang dalawang biktima ay kinilalang sina Joebert Egina y Valdriz, myembro ng Coast Guard, at Charwen Martizano y Quial ng Barangay Poblacion V, San Jose, ng nasabing probinsya.

Ayon sa imbestigasyon ni PO3 Rommel Guilas Ramirez ng San Jose Municipal Police Station, bandang 12:50 ng hapon nang mangyari ang insidente.

Naglalakad umano ang saksing si Eutequio Francisco y Vicente, 36, isang mangingisda, kasama ang dalawang biktima habang pauwi na sa kanilang tahanan nang masalubong ang kaibigang si John Paul Sombito na nagpapasaklolo sa pambubugbog sa kanya ng ilang kalalakihan sa tapat ng Akong Bakery sa nabangit na bayan.

Agad nilang pinuntahan ang lugar at nakilala nila si Santillan pero sinalubong sila ng isang ‘sekyu’ na kinilalang si Jerry Flores at binalaan silang huwag lalapit sabay paputok ng baril.

Hinimok ni Eutequio ang mga kasama na umuwi na ngunit, biglang pinukpok ng baril ng suspek sa batok nang ilang beses si Joebert hanggang sila ay magpambuno at mag-agawan sa armas.

Nang magkaroon ng pagkakataon, biglang tumalilis si Santillan pero bumalik ilang sandali ang nakalipas na may bitbit na mataas na kalibre na kanyang ginamit sa pamamaril kay Joebert.

Tinamaan si Martizano na agad namatay kasabay si Joebert bago pa man sila madala sa ospital samantala nahagip din ng bala sa kanang braso si Eutequio na isinugod sa pagamutan.

Sumisigaw ng hustisya ang pamilya ng dalawang pinaslang na ayon na rin sa imbestigasyon ay dating kaalitan ng suspek ang mga pinaslang.

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *