Maricris Valdez Nicasio
MAKAPIGIL-HININGA at the same time exciting ang mga pangyayari sa Dyesebel. Paano’y nakuha na ni Anne Curtis ang mahiwagang kabibe na magbibigay-daan sa kanya para magkaroon ng mga paa at makalakad.
Natawa kami sa eksena kung paano nakuha ni Dyesebel ang mahiwagang kabibe. Ipinakita roon ni Anne ang mga natutuhan niya sa pag-aaral ng fin swimming. Naroon kasing umigtas siya para mapalo ng kanyang buntot ang mga kalaban. Kung ilang beses niya ginawa iyon. At humanga kami sa eksenang iyon.
Medyo nakalulunkot lang na nahuli ng mga tao si Nay Banak (Ai Ai delas Alas) na hindi pa nga humuhupa ang mga sugat ay muling nahuli ng kampo ni Reyna Dyangga (Eula Valdez) matapos makuha sa pagkakahuli sa mga tao. Paano na ngayon si Dyesebel ? Sino na ang magiging gabay ni Dyesebel sa pagrampa sa lupa?
Naku, tiyak na mas exciting ang mga magaganap ngayong linggo sa Dyesebel dahil rarampa na ang Dyesebel na isa nang tao.