Thursday , March 28 2024

‘Mentor’ ni Napoles sa pork scam ilalantad (Pork King itinanggi ni Abad)

042614_FRONT

NANINDIGAN ang kampo ni Janet Lim-Napoles na hindi ang negosyante ang nagplano, nagmaneobra at utak ng pork barrel fund scam.

Ayon kay Atty. Bruce Rivera, bagama’t wala pang pinal na affidavit ang kanyang kliyente, nais nilang bigyang-diin na may mga taong nagdikta at nagturo kay Napoles para sa naturang mga transaksyon.

“Noong pumasok siya sa scene, it was already there. She will explain that in the affidavit,” wika ni Rivera.

Para sa abogado, malalantad sa tamang panahon ang nilalaman ng affidavit kaya huwag sanang husgahan agad ang kanyang kliyente.

Nauna rito, lumabas kahapon sa pahayagang Daily Tribune ang pangalan ni DBM Sec. Butch Abad na sinasabing siyang nagturo ng scam operations kay Napoles.

Bukod kay Abad, may isa pang mataas na opisyal ng executive department ang sinasabing nagkaroon din ng papel sa mga transaksyon.

Habang ayon sa The Manila Times, isang dating DAR secretary, DA undersecretary at leading senator na prominent member ng Liberal Party, ang tinukoy na mentor ng scam.

Una rito, sinabi ng Malacanang, hindi manghihinayang si Pangulong Benigno Aquino III na mawalan ng mga kaalyado kung mapatutunayan ang mga dawit sa katiwalian.

HATAW News Team

PORK KING ITINANGGI NI ABAD

NAKATATAWA at malaking kasinungalingan. Ito ang pahayag kahapon ni Budget Secretary Butch Abad kaugnay sa taguri sa kanya bilang “pork king” makaraan lumabas ang ulat na siya ang nagturo kay Janet Lim Napoles sa pagsasagawa ng scam sa pork barrel fund.

“These fresh allegations that I ‘tutored’ Janet Lim Napoles in designing the PDAF scam are simply not true. I’ve been called several names since I began serving in this Administration, but ‘pork king’ is certainly the most ridiculous. It would in fact be funny if it weren’t such a blatant lie,” aniya.

Sa kasalukuyan aniya ay hindi pa siya nakatatanggap ng kopya ng bagong affidavit ni Napoles kaya’t hindi pa siya makapagbibigay ng komento nang maayos.

Ngunit mariin niyang itinanggi na nagkaroon sila ng transaksyon ni Napoles at hindi rin siya nagsilbing “mentor” sa iskema ng paglulustay ng Priority Development Assistance Fund (PDAF).

“These are all speculations at the moment, though, and until I receive a copy of Ms. Napoles’ affidavit, I cannot comment properly on the matter. Suffice it to say that I have never dealt with Janet Lim Napoles, much less acted as a mentor in executing her alleged schemes,” sabi pa ni Abad.

(ROSE NOVENARIO)

Giit sa DoJ

TESTIMONYA NI NAPOLES  ILABAS

IGINIIT ng anti-corruption group sa Department of Justice (DoJ) na ilabas sa publiko ang kompletong testimonya ni Janet Lim Napoles.

Pangamba ng Scrap Pork Network, maaaring linisin ng DoJ ang listahan na ibinigay ni Napoles upang maprotektahan ang mga kaalyado ng administrasyon.

Dagdag ng grupo, hindi dapat tanggapin si Napoles bilangs tate witness dahil itinuro ang negosyante ng mga whistleblower bilang siyang mastermind sa pork barrel scam.

Nagbanta ang grupo na magsasagawa ng kilos-protesta kapag binigyan ng immunity sa kaso si Napoles.

Babala ni De Lima

NAPOLES LIST  ‘MANGGUGULO’

IBINASURA ni Justice Secretary Leila de Lima kahapon ang kahilingan na isapubliko ang listahan ng mga taong ikinanta ni Janet Lim Napoles na sangkot sa multi-billion peso pork barrel scam.

Ayon kay De Lima, hindi niya premature na ipalalabas ang listahan dahil maaari itong magdulot ng kaguluhan.

Aniya, mas mainam na i-validate muna ang mga testimonya ni Napoles.

Nauna rito, sinabi ni dating Senador Panfilo Lacson, binigyan din ng listahan ng kampo ni Napoles, nagbanggit ang negosyante ng mahigit 100 katao, kabilang ang 10 senador, bukod kina Senators Juan Ponce Enrile, Jinggoy Estrada at Ramon Revilla.

Sinabi ni De Lima, hindi siya mapasusunod sa pressure dulot ng mga ulat kaugnay sa sinasabing “Napoles list” na ipinalabas ng iba’t ibang kampo.

Aniya, ang sinasabing mga listahan ay lumalabas upang siya ay ma-pressure na ipalabas ang mga pangalan na inihayag sa kanya ni Napoles.

Dagdag pa ng kalihim, ang mga nagpapalabas ng sinasabing listahan mula kay Napoles, ay “nagpapagulo lang”.

“Pwede ba, huwag na muna kayo makialam? Marami na naman kasing nakikialam. Nagugulat ako sa ganyang mga balita,” mensahe ni De Lima sa mga taong nagpalabas ng “Napoles list”.

Samantala, kinuwestyon ni De Lima si Whistleblowers Association president Sandra Cam, sinasabing mayroon ding sariling listahan.

Aniya, si Cam ay walang personality at walang standing sa isyu dahil hindi siya whistleblower sa pork scam, at hindi rin imbestigador.

“Ano personality nya? Is she an investigator? Is she with the Ombudsman? Whistleblower ba siya sa PDAF scam? Siya ang presidente ng Whistleblowers Association, but she is not a whistleblower in the PDAF scam,” diin ni De lima.

Sinabi ni De Lima na tatanungin niya ang kampo ni Napoles kung nagbigay sila ng listahan sa ibang mga tao, dahil hindi niya ito alam.

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *