HATAW! D'yaryo ng Bayan hatawtabloid.com
BINASBASAN ng pari ang mga palaspas ng mga deboto bilang hudyat ng Semana Santa sa Redemptorist Church, Baclaran, Paranaque City. (JIMMY HAO)
MAS mabibigyan nang kabuluhan ang paggunita ng mga mananampalataya ng Semana Santa sa pamamagitan nang pagtulong sa kanilang kapwa.
Sa kanyang mensahe, hinimok ni Manila Archbishop Luis Antonio Cardinal Tagle ang mga kababayan na isabuhay ang mga aral hinggil sa naging sakripisyo ng Panginoong Hesus ngayong Holy Week.
“Stewardship does not wait for the surplus. Stewardship must hurt. Stewardship must disturb us. Stewardship that does not hurt is nothing. Stewardship is leaving our zones of comfort and convenience,” ani Cardinal Tagle.
Kahapon ay ipinagdiwang ng buong bansa ang Palm Sunday bilang hudyat sa pagsisimula ng Semana Santa na gugunitain ang pagkamatay at muling pagkabuhay ng Panginoon.
Karamihan sa mga nagsisimba ay may bitbit na palaspas para mabasbasan sa misa.
“God puts so much love into these days and no one has loved in the same way that Jesus loved. So this Holy Week will become holy if we also pour much love into it.”
(LAYANA OROZCO)
