Wednesday , May 22 2019
Breaking News
You are here: Home / News / Guilty sa ‘pork’ scam mananagot

Guilty sa ‘pork’ scam mananagot

INIHAYAG ng Malacañang na ang lahat ng guilty sa pork scam, maging ang mga nasa abroad, ay haharap sa hustisya ng bansa.

“Lahat ng dapat managot ay pananagutin… Gagawin ng ehekutibo and lahat nang nararapat na pagkilos,” pahayag ni , Communications Secretary Herminio Coloma, Jr., nang itanong kung mapababalik sa bansa ang mga nasa abroad para harapin ang kaso kaugnay sa pork scam.

Ang tanong ay bunsod ng ulat na nananatili pa rin sa Estados Unidos si Ruby Tuason at ibinibenta ang kanyang mga ari-arian doon.

Nauna rito, may nakitang basehan ang Office of the Ombudsman upang kasuhan ng plunder at graft charges si Tuason at ilang mambabatas. Habang hindi pa nadidinig ang kahilingan ni Tuason para sa immunity sa kaso.

Inihayag ng dating social secretary ni dating Pangulong Joseph Estrada, na personal niyang idiniliber kay Senador Jinggoy Estrada ang kickbacks.

Inihayag din niyang nakaharap niya ang dating chief of staff ni Senador Juan Ponce Enrile na si Gigi Reyes.

Si Senador Ramon “Bong” Revilla Jr. na sangkot din sa pork scam, ay nasa Israel.

Si Reyes at iba pang mga sangkot sa anomalya ay pinaniniwalaang nasa abroad na rin.

(LAYANA OROZCO)

About hataw tabloid

Leave a Reply

Your email address will not be published. Required fields are marked *

*

Scroll To Top