NBI nakaalerto vs Manyak sa Dagupan (Joggers hinihipuan)

DAGUPAN CITY – Iniimbestigahan ng National Bureau of Investigation (NBI) Dagupan ang reklamo kaugnay sa isang lalaking nanghihipo ng mga kababaihan na nagda-jogging partikular sa De Venecia Highway sa lungsod ng Dagupan.

Ayon kay NBI agent Tim Rehano, sinusundan ng suspek ang mga babaeng nagda-jogging habang sakay ng kanyang motorsiklo at bigla na lamang manghihipo.

Pagkaraan ay mabilis na patatakbuhin ang kanyang motorsiklo habang tatawa-tawa.

Ang suspek ay tinata-yang nasa 30-40-anyos at nakasakay sa itim na motorsiklo.

Ang madalas na biktima ng suspek ay ang mga babaeng nakasuot ng manipis at maiksing kasuotan.

Sa ngayon ay inaalam pa ng kinauukulan kung may iba pang nabiktima ang suspek.