PINAYUHAN ng pamunuan ng Northern Luzon Command ang mga mangingisda na iwasan muna ang pangingisda sa bahagi ng Ayungin Shoal upang maiwasan ang tensyon.
Magugunitang nagkaroon ng insidente na ginamitan ng water cannon ng Chinese coast guard ang mangingisdang Filipino.
Ayon kay NOLCOM commanding general Lt. Gen. Gregorio Catapang, iniiwasan lamang nila na magkaroon ulit ng tensyon ang Chinese coast guard at ang tropa ng pamahalaan na nagbabantay sa Ayungin Shoal.
Aminado si Catapang na mas mayaman sa tinatawag na aquatic resources tulad ng isda ang karagatan ng Ayungin Shoal.
Ngunit inihayag ng heneral na mas malaking problema ang maaaring kaharapin hindi lamang ng mga sundalo kundi pati ng gobyerno kapag nagkaroon uli ng insidente sa nasabing lugar.