Thursday , June 20 2019
Breaking News
You are here: Home / Showbiz / Jopay at Joshua, next year na magpapakasal

Jopay at Joshua, next year na magpapakasal

ni  Reggee Bonoan

‘FEEL ko ang Buhay’ ito ang tagline ng Neurobion mula sa Merck Inc. Philippines, ang gamot sa pangangawit, pamamanhid, at tusok-tusok ng mga taong kulang sa bitamina.

Sa pamamagitan ng throwback dance concert na ginanap sa Trinoma Activity Center ay nagkaroon ng free check-up ang netizens para malaman nila kung kulang sila sa bitamina b1, b2, at b3 dahil nagkakaroon sila ng body pains, tingling sensations at numbness, Neuropathy Awareness ‘ika nga.

At bilang pakikiisa sa Neuropathy Awareness ay nakiisa ang orihinal na miyembro ng grupong UMD sa pangunguna nina Wowie de Guzman at James Salas; Sexbomb na sina Jaja Barro, Donna Veligiano, at Jopay Paguia; Manoeuvers na si Joshua Zamora.

Saksi kami kung paano tinilian sina Wowie at James na sikat na sikat noong 1990’s bilang UMD habang sumasayaw sila ng Dying Inside to Hold You at Get Down.

”’Yung Isinasayaw ng lahat ng tao ‘yung mga pina-uso naming sayaw. Actually lahat kami may Inilabas kaming mga piyesa noon. Kapag natandaan ‘yun ng mga tao, talagang markado. Kaya nga kami nandito ulit dahil sa mga sayaw na Ipinauso namin,”say ni Wowie nang maka-tsikahan siya ng entertainment media sa Itallianis Restaurant bago ang dance concert.

Aminado rin ang dating ka-loveteam ni Judy Ann Santos na, ”mas mararaming magagaling ngayon kasi ang dami nilang napapanood. Sa Internet maraming napapanood na inspirations. Para sa akin mas magagaling ngayon ‘yung mga bata.”

Samantalang si Joshua na kilala bilang Maneouver ay aminadong ingat na siya sa mga kinakain niya dahil mahirap na raw gumalaw o sumayaw kapag kulang siya sa ehersisyo.

Sa edad na 44 ay mapagkakamalan pang 30 lang ang boyfriend ni Jopay dahil baby face at napanatili nitong maganda ang pangangatawan.

Nagulat nga kami dahil ang panganay niya pala ay edad 22 na at miyembro na rin ng Maneouver, ”sila na ‘yung pumalit sa amin at mas magaling siyang sumayaw kasi iba na ‘yung mga pitik nila kompara sa amin noon,” kuwento ni Joshua.

At inamin din na malapit na silang pakasal ng girlfriend niyang Sexbomb dancer na si Jopay.

Sa totoo lang ateng Maricris, ang bibilis at mahuhusay pa ring kumilos ang mga nabanggit na dancers kaya iisa ang tanong namin sa kanila kung umiinom na sila ng Neurobion, ”hindi pa, pero kapag nakaramdam na kami ng panginginig susubukan namin.”

Samantala, curious din kami kung natatalo na ba ang branded medicines tulad nitong Neurobion ng generic medicines?

About Reggee Bonoan

Leave a Reply

Your email address will not be published. Required fields are marked *

*

Scroll To Top