Friday , December 4 2020
Breaking News
You are here: Home / News / 5-anyos patay sa tuklaw ng ahas (Ina sugatan)

5-anyos patay sa tuklaw ng ahas (Ina sugatan)

KORONADAL CITY – Patay ang 5-anyos batang lalaki matapos tuklawin ng diamond snake sa Purok Riverside sa Brgy. Cacub sa lungsod ng Koronadal.

Kinilala ang biktimang si Jason Mercaral, residente ng naturang lugar.

Inihayag ni Kapitan Edgar Cabardo, tumawag sa kanya ang kanyang purok president at kinompirmang tinuklaw ng malaking ahas ang bata habang naglalakad pauwi sa kanilang bahay kasama ang kanyang ina at kapatid.

Ayon pa sa opisyal, nakarinig ang mag-ina ng hazing sound mula sa isang puno ng saging at bigla lamang lumabas at tinuklaw ang bata habang tinangka pang puluputan.

Samantala, sa salaysay naman ng kanyang ina na si Maria Anita Alcaral, kasing-laki aniya ng puno ng kawayan ang ahas na tumuklaw sa bata.

Sinabi pa ni Anita, pagkatapos tuklawin ang kanyang anak ay siya rin ang sumunod na inatake ng makamandag na diamond snake ngunit hindi siya napuruhan.

Agad dinala sa pagamutan ang mga biktima ngunit hindi nagtagal ay binawian ng buhay ang paslit.

About hataw tabloid

Leave a Reply

Your email address will not be published. Required fields are marked *

*

Scroll To Top