Wednesday , December 2 2020
Breaking News
You are here: Home / Sports / Servania ikakasa kay Rigondeaux

Servania ikakasa kay Rigondeaux

POSIBLENG makaharap ni Genesis “Azukal” Servania si WBO superbantamweight champion Guillermo Rigondeaux ngayong taong ito kung tatalunin niya ang taga-Venezuela na si Alexander “El Explosivo” Munoz sa main event ng Pinoy Pride XXIV: The Future is Now sa Sabado, Marso 1, sa Solaire Resort and Casino sa Paranaque.

Ito ang iginiit ng bise-presidente ng operations at events ng ALA Promotions na si Dennis Canete kahapon sa lingguhang Philippine Sportswriters Association (PSA) Forum sa Shakey’s Malate.

Maglalaban sina Servania (23-0-0, 9 KO) at Munoz (36-5-0, 28 KO) para sa WBO intercontinental junior flyweight title sa nasabing fight card na handog ng ALA at ABS-CBN Sports.

Si Rigondeaux ang tumalo kay Donaire sa kanilang title fight noong isang taon sa Carson City, California.

Idinagdag ni Canete na lumaban  na si Munoz sa isang undercard bout sa huling laban ni Floyd Mayweather, Jr. kaya naniniwala siya na ang nasabing banyagang boksingero ay magbibigay ng magandang laban kay Servania.

Ipalalabas ang Pinoy Pride XXIV sa ABS-CBN Channel 2 sa Marso 3, alas-10 ng umaga.

(James Ty III)

About hataw tabloid

Leave a Reply

Your email address will not be published. Required fields are marked *

*

Scroll To Top