Saturday , December 5 2020
Breaking News
You are here: Home / News / SUV reward ni Duterte vs drug syndicates

SUV reward ni Duterte vs drug syndicates

KASUNOD ng pinaigting na anti-drug raid sa Davao City, nangako si Mayor Rodrigo Duterte na magbibigay siya ng sports utility vehicle bilang pabuya sa mga impormante.

Sinabi ni Duterte, handa siyang magbigay ng SUV bilang pabuya sa mga tao na makapagbibigay ng impormasyon para sa ikabubuwag ng drug rings sa lungsod.

Nauna rito, inihayag ni Duterte na lalo pa ni-yang paiigtingin ang kam-panya laban sa droga. Ito ay makaraang ipahayag ng mga awtoridad na ang shabu na nakompiska nitong Sabado ay mula sa ibang bansa.

Sinabi ni City police chief S/Supt. Vicente Danao, Jr., sa kanilang initial analysis, ang na-kompiskang shabu sa kanilang pagsalakay ay maaaring hindi gawa rito sa Filipinas.

Ayon sa pulisya, biniberipika na nila ang impormasyon na ang shabu ay maaaring inihalo sa bigas na ipinasok sa lungsod kamakailan.

Nitong nakaraang linggo, pitong hinihinalang mga drug pusher ang napatay at mahigit 30 ang naaresto  sa  anti-drug operation sa Davao City.

About hataw tabloid

Leave a Reply

Your email address will not be published. Required fields are marked *

*

Scroll To Top