Tuesday , March 19 2024

Unang Aray (Memorabol kay Inday) (Part 20)

NASA SEA WALL KAMI NI INDAY AT BUONG HIGPIT NIYA AKONG NIYAKAP SAKA SINIIL NG HALIK SA LABI

Nagtuloy kami ni Inday sa sea wall. Naupo kami sa ibabaw ng mahabang kongretong pa-der. Sa aming kwentuhan, binanggit niya ang dahilan kung bakit si Manang na ang pirmihang magkakahera sa karinderya. Noon kasi, gusto lang daw niyang malibang kaya nagbukas siya ng tindahan.

“Nalilibang nga ako pero nawalan naman ng oras para sa aking sarili,” sabi ni Inday nang humilig sa dibdib ko.

Sa loob daw ng dalawang taon simula noong magtindahan siya, araw-araw ay kinakailangan niyang gumising ng ala-singko ng umaga. Sag-lit munang maliligo bago harapin ang pagluluto. Matapos makapagluto, tatao na sa karinderya bago mag-ala-siyete. Tapos, magsasara naman ng tindahan ng ala-siyete ng gabi.  Kaya lumalabas na mahigit daw dose oras sa buhay niya ang nagugugol sa pagkakarinderya.

“E, matutulog ako ng ten pm at gigising ng five am, seven hours din ‘yun,” pagkukwenta ni Inday sa mga oras. “Dose oras sa karinderya plus pitong oras sa tulog…Nineteen hours lahat. Bale limang oras na lang ang para sa sarili ko.”

Sabi niya, mas nae-enjoy na niya ngayon ang buhay.

“Bakit?” usisa ko.

“Dahil sa ‘yo,” aniya nang kurutin ang pisngi ko. “At dahil bakasyon ka sa eskwela, pareho na tayong may time sa isa’t isa.”

Tumangos ang ilong ko sa narinig.

“Dahil mahal kita, ganu’n?” agap ko.

Biglang natawa si Inday.

“Mahal mo ako, mahal din kita, kaya ta-yong dalawa ay laging magkasama,” hagikgik niya, naniningkit ang mga mata.

Pero biglang kambiyo si Inday. Nagseryoso. Itinuro niya ang nunal sa kanyang pisngi sa tuluan ng luha.

“’Di ka ba natatakot dito?” tanong niya sa akin.

Umiling ako. “Dahil mabibyuda ka agad at una akong mamamatay?”

“Kasabihan ‘yun, di ba?” aniya sa panlalabi.

“Mas takot akong ikaw mismo ang mawala sa buhay ko, o kaya’y maglaho ang pag-ibig mo sa ‘kin,” pagtatapat ko sa aking saloobin.

Mula sa pagkahilig sa aking dibdib ay buong higpit akong niyakap ni Inday. Dinampian ako ng halik sa mga labi. Napansin kong nangilid ang luha sa sulok ng kanyang mga mata.

(Itutuloy)

Rey Atalia

About hataw tabloid

Check Also

Krystall Herbal oil FGO Fely Guy Ong

Kulugo nalusaw sa Krystall herbal oil

Back to BasicNATURE’S HEALINGni Fely Guy Ong Dear Sis Fely Guy Ong,          Good morning …

Chuan Kee Gerie Chua Francis Zamora

‘Chuan Kee, Ang alamat sa Binondo, nasa San Juan na!’

Ito ang pahayag ni San Juan Mayor Francis Zamora sa kanyang pagdalo bilang panauhing pandangal …

SM Bulacan malls, BFP matagumpay na naglunsad ng Fire Safety Initiative para sa National Simultaneous Fire Drill

SM Bulacan malls, BFP matagumpay na naglunsad ng Fire Safety Initiative para sa National Simultaneous Fire Drill

NAKAAYON sa Fire Prevention Month, ang National Simultaneous Fire Drill ay isinagawa sa SM Bulacan …

Krystall B1B6, Krystall Herbal Oil

Arthritis ni Inang payapa sa Krystall Herbal Oil at Krystall Vit. B1B6

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

DOST, PLGU-LDN provide plant growth promoter to rice farmers affected by Shear Line

DOST, PLGU-LDN provide plant growth promoter to rice farmers affected by Shear Line

To boost local rice farmers’ productivity and support their recovery from the Shear Line, the …

Leave a Reply

Your email address will not be published. Required fields are marked *