Wednesday , December 2 2020
Breaking News
You are here: Home / Showbiz / Sa Vhong versus Deniece, pagalingan na lang ng abogado

Sa Vhong versus Deniece, pagalingan na lang ng abogado

ni Ronnie Carrasco III

KUNG sa panunuyo sa isang babaeng pinag-aagawan ng mga lalaki ay may pustahang, “May the best man win,” sa kasong kinakaharap naman nina Vhong Navarro, Deniece Cornejo, Cedric Lee et all—as far as their respective legal counsels are concerned—it may be politically correct to say, “May the best lawyer win.”

Sa aminin man kasi natin o hindi, nasa kamay ng abogado—mapa-prosecution o defense—nakasalalay ang kahihinatnan ng anumang kaso, sibil man o kriminal. Although sa bandang huli, mananaig pa rin ang desisyon ng judge.

Sa ngayon, nasa preliminary investigation stage pa rin ang Vhong versus Deniece et al case whose camps have already filed their  respective affidavits of complaints sa isa’t isa. This being so, nasa proper courts of law na ang usapin with their respective lawyers to their clients’ rescue.

Kung bilangan ng mga abogado ang pag-uusapan, Vhong has Atty. Alma Mallonga. Kinabog ang aktor ng mga legal representatives nina Deniece at Cedric na mayroong Atty. Howard Calleja, Atty. Raymond Fortun, at Atty. Arleo Magtibay.

However, parang Twelve Days of Christmas lang ang peg ni Fortun who resigned as Cedric’s lawyer 12 days after his legal services were engaged.

Sayang, kulang na lang ilaban nang pitpitan ng yagbols ni Fortun ang aniya’y wala naman daw kamali-malisyang paghalik ni Cedric kay Deniece inside the elevator of Forbeswood Heights condo hours after Vhong was mauled to a pulp by a group of men.

Consequently, umani ng sandamakmak na batikos sa social media ang katwiran ni Fortun, even dragging his wife as if naman his reference sa kanilang ka-sweet-an bilang mag-asawa had any bearing on the case that he took on with so much conviction na maipapanalo niya ito.

Ang ending: nagbitiw si Fortun bilang abogado ni Cedric.

At para bigyang-katwiran ang kanyang pagtalikod sa kaso, sinisisi ni Fortun ang aniya’y “inaccurate reportage and unprofessional actions of certain law enforcement agencies.”

Mabuti pa ang inilalakong mani sa mga namumulutang tomador, binibili ito. Pero malinaw naman na ginamit na lang ni Fortun na palusot ang mga ‘yon, dahil mismong ang konsensiya na niya marahil ang nagsasabing huwag na niyang ituwid ang mali.

Tumalima kaya si Fortun sa sinabi ni Mallonga, na oo nga’t trabaho nilang kumatawan bilang abogado ng kanilang mga kliyente pero dapat manaig pa rin ang kanilang ethical responsibilities?

Simply put, huwag gumawa ng kuwentong alam naman nila sa kanilang mga sarili ay kathang-isip lang?

About hataw tabloid

Leave a Reply

Your email address will not be published. Required fields are marked *

*

Scroll To Top