Wednesday , November 25 2020
Breaking News
You are here: Home / Sports / Rodgers hahataw sa Ginebra

Rodgers hahataw sa Ginebra

NAKATAKDANG dumating ngayon ang import ng Barangay Ginebra Gin Kings na si Leon Rodgers na inaasahang makakatulong nang malaki sa hangarin ng Gin Kings na makabawi sa masaklap na kapalarang sinapit nila sa PLDT myDSL PBA Philippine Cup.

Si Rodgers, na may sukat na 6-7, ay galing sa impresibong stint sa Jilin Northeast Tigers sa Chinese Basketball League. Sa koponang ito ay kakampi niya ang dating reinforcement ng San Mig Coffee na si Denzel Bowles.

Ayon sa scouting reports, si Rodgers ay isang mahusay na outside shooter na minsan ay gumawa ng 66 puntos sa isang laro noong 2009. Sa larong iyon ay Nagbuslo siya ng 15 three-point shots. Kaya naman sinasabing tiyak na titindi ang opensa ng Gin Kings kung pagsasabayin ni coach Renato Agustin sina Rogers at ang twin towers na sina Gregory Slaughter at Japhet Aguilar.

Si Rodgers, na producto ng North Illinois, ay ipinanganak noong June 19, 1980. Bago naging import sa CBL, si Rodgers ay naglaro sa Dutch Basketball League kung saan siya ay itinanghal na Most Valuable Player nang tatlong beses mula 2005 hanggang 2007.

Tatlong beses na napabilang si Rodgers sa All-DBL Team. dalawang beses siyang naglaro sa DBL All-Star at minsang naparangalan bilang Statistical Player of the year.

Inaasahang hindi mahihirapan si Rodgers na pumasok sa height limit na 6-9 na itinakda ng PBA para sa mga koponang pumasok sa quarterfinals ng Philippine Cup. Ang dalawang teams na maagang nalaglag ay makakakuha ng imports na may sukat na 6-11. Ang Gin Kings ay naging top team sa elimination round ng Philippine Cup. Nabigo silang  makarating sa finals matapos na matalo sa San Mig Coffee, 4-3 sa semifinal round.

Ang PBA Commissioner’s Cup ay nakatakdang magsimula sa Marso 5.

Ni SABRINA PASCUA

About hataw tabloid

Leave a Reply

Your email address will not be published. Required fields are marked *

*

Scroll To Top