Tuesday , December 1 2020
Breaking News
You are here: Home / Sports / Perderan sa karera iimbestigahan ng PHILRACOM

Perderan sa karera iimbestigahan ng PHILRACOM

Kumilos na ang Philippine Racing Commission (Philracom) laban sa mga llamadong kabayo na sadyang ipinatatalo sa laban  matapos tumanggap ng reklamo mula sa ilang karerista.

Sa takot ng komisyon na  mababalewala ang pagsusumikap ng ilang horse owner organizations na mapaganda ang kompetisyon  ng karera sa bansa, babantayan na ang galaw ng mga hinete sa ibabaw ng kabayo upang  mapigilan ang kaliwa’t kanan  na katiwalian sa loob ng karerahan.

Dahil dito, magsasagawa ng imbestigasyon ang Philracom sa ilang kaduda-dudang pagkakatalo ng mga llamadong kabayo sa gitna ng laban sa tatlong karerahan.

Ito ang reaksiyon ng Philracom sa   nakakadismaya at garapalan  na pagpapatalo ng ilang llamadong mananakbong kabayo sa gitna ng laban.

Kabilang ding babantayan ng komisyon ang mga board of stewards  na nagbubulag-bulagan sa mga kaganapan sa  gitna ng laban.

Napansin ang garapan na perderan sa uri ng pagdadala ng hinete na kadalasan ay  umaalis ng bugaw sa umpisa ng karera at dumarating na bugaw pa rin sa pagtawid sa finishing line.

Sinabi ni  Philracom racing director Commissioner Jess  Cantos,  magsasagawa sila ng pagrereview sa lahat ng mga llamadong kabayo na natalo sa mga pinagdududahang sinalihang karera.

Papatawan ng parusa ang mga hinete at kabayong  nasasangkot sa katiwalian o garapalang pagpeperder.

Nagbabala ang komisyon sa mga hinete na nakikipagsabwatan sa mga horse owners na bumababoy ng karera na hindi sila mangingiming ipataw ang mabigat na parusa sa oras na mapatunayan  na sinadyang ipatalo ang sakay nitong kabayo.

Mahigpit din na tinututukan ngayon ng komisyon ang mga hinete  na nagdadala ng mga pabababaing kabayo na may timbang na 52 kilos.

Ni andy yabot

About hataw tabloid

Leave a Reply

Your email address will not be published. Required fields are marked *

*

Scroll To Top