Friday , December 4 2020
Breaking News
You are here: Home / Showbiz / Julia, magbabahagi ng halaga ng pagmamahal

Julia, magbabahagi ng halaga ng pagmamahal

Reggee Bonoan

IBABAHAGI ni Julia Montes sa TV viewers ang halaga ng pagmamahal para sa sarili ngayong gabi sa award-winning fantasy-drama anthology ng ABS-CBN na Wansapanataym.

Gagampanan ni Julia sa episode na pinamagatang Three in One ang karakter ni Trina, isang probinsiyanang nais makuha ang pagtanggap at pagmamahal ng mga tao sa paligid niya.

Dahil sa kahilingan niyang manamit at maging katulad ng kanyang mga kaklase, pagkakalooban si Trina ng isang mahiwagang bato na magbibigay sa kanya ng kakayahan na gumawa ng panibagong katauhan na ayon sa kanyang kagustuhan.

Matutuhan kaya ni Trina na mahalin at tanggapin ang kanyang sarili kapag nawalan siya ng kontrol sa mga pagkataong nilikha niya?

Tampok din sa Three in One episode sina Malou Crisologo, Robi Domingo, at Eda Nolan mula sa panulat ni Noreen Capili at direksiyon ni Erick Salud.

Huwag palampasin ang Best Development-Oriented Children’s Program ng 2014 UPLB Gandingan Awards na Wansapanataym mamayang gabi. Para sa karagdagang updates, mag-log on sa www.abs-cbn.com o sundan ang @abscbndotcom sa Twitter.

About hataw tabloid

Leave a Reply

Your email address will not be published. Required fields are marked *

*

Scroll To Top