Friday , December 4 2020
Breaking News
You are here: Home / News / 5-anyos inihulog ng ina sa septic tank (Ama iniimbestigahan din)

5-anyos inihulog ng ina sa septic tank (Ama iniimbestigahan din)

CAGAYAN DE ORO CITY – Pinaghahanap ngayon ng pulisya ang ina na itinuturong responsable sa pagpatay ng sarili niyang anak na inihulog sa septic tank sa Brgy. Pagalungan sa lungsod ng Cagayan de Oro.

Kinilala ang biktimang si Angel Bahian, 5, residente sa nasabing lugar.

Inihayag ni S/Insp. Erickson Sabanal, hepe ng Lumbia Police Station, mismong ang ama ng bata ang nagsumbong sa kanilang barangay officials hinggil sa pangyayari dahil siya’y nakonsensya.

Tinukoy ni Sabanal na ang suspek na si Sarah Bahian ay tumakas makaraan ang insidente.

Nanguna si Pagalungan Brgy. Chairman Renie Oporto sa paghukay upang maiahon ang bangkay ng biktima.

Nagpapatuloy ang im-bestigasyon upang alamin kung ano ang dahilan sa pagpatay ng suspek sa bata.

Ang ama ay nasa kustodiya na rin ng barangay kapitan para maimbestiga-han kung ano ang kanyang partisipasyon matapos isumbong sa mga awtoridad ang kinalalagyan ng bangkay ng anak.

Napag-alaman na nangyari ang pagpatay sa biktima noon pang Disyembre 2013 at kahapon lamang naglakas-loob ang ama ng bata na magsumbong sa mga awtoridad at ibinulgar ang pangyayari.

About hataw tabloid

Leave a Reply

Your email address will not be published. Required fields are marked *

*

Scroll To Top