Friday , December 4 2020
Breaking News
You are here: Home / Showbiz / Carla, nagmaldita na naman

Carla, nagmaldita na naman

ni Roldan Castro

UMANDAR na naman ang pasimpleng kamalditahan ni Carla Abellana sa press kaya nakatapat siya nang sagot-sagutin siya ng isang katoto sa presscon ng Third Eye na showing sa February 26.

Nagsimula siguro ‘yun sa tanong ng press kung  nagkakalabuan na ba sila ni Geoff Eigenmann? Wala kasi itong mai-share sa nangyari sa kanila noong Valentine’s Day nang tanungin ang cast ng Third Eye na kinabibilangan nina Ejay Falcon, Denise Laurel, Camille Prats, at Alex Medina.

Inamin naman ni Carla na hindi sila nag-celebrate noong araw ng mga puso at wala siyang natanggap kahit bulaklak o chocolates mula sa nobyo. Hindi raw nila nakasanayan ‘yung ganoon at matagal niyang tanggap na ganoon ang boyfriend niya.

Pero naloka ang kausap niyang movie writers nang sabihin niyang sa press lang galing ang balita na papunta na sa kasal ang relasyon nila ni Geoff. Idiniin naman na galing mismo kay Geoff ang isyung gusto na nitong magpakasal.

Lalong nairita sa kanya ang mga kausap niya dahil hindi naman daw magsasalita si Geoff ng tungkol sa kasal kung hindi ito tinatanong ng press.

So, kasalanan na naman ng press?

Kalorky din ang mga hirit ni Carla, ‘no?

About hataw tabloid

Leave a Reply

Your email address will not be published. Required fields are marked *

*

Scroll To Top