Wednesday , April 24 2024

Mag-inang karnaper itinumba ng tandem

PATAY noon din ang pinakabatang karnaper, kasama ang kanyang ina, makaraang tambangan ng riding in-tandem pag-kagaling sa court hearing, Quezon City Justice Hall kahapon ng umaga.

Sa ulat kay Chief Supt. Richard Albano, Quezon City Police District (QCPD) District Director, ni Chief Insp. Rodel Marcelo, Criminal Investigation and Detection Unit (CIDU), kompirmadong napatay ang mag-inang sina Jasmine Reyes, at anak na si Mark Joseph, 19, kapwa miyembro ng “Mark Lester Reyes” carjacking/carnapping  group pinamumunuan ni Mark Lester, asawa ni Jasmine, ama ni Mark Joseph.

Ang mag-inang Reyes ay naaresto ng QCPD noong 2011 sa kasong carnapping pero ang amang si Mark Lester ay nakatakas.

Si Mark Joseph, nang madakip ay 16 anyos lamang noon habang si Jasmine, ay nakapagpiyansa  sa kasong isinampa laban sa kanila.

Ayon kay Albano, ang mag-inang Reyes ay positibong kinilala ng mga kaanak.

Bago ang pananambang sa kanto ng Elliptical Road at  Visayas Ave-nue, dakong 11:30 am, sumakay sa taxi ang mga biktima sa harap ng Hall of Justice Complex sa city hall, pagkatapos ng hearing sa kasong carnapping.

Ayon sa saksing si Jun Gobis, driver ng Valentino Taxi (UVC-167), sinakyan ng mga biktima, sumakay ang mag-ina sa kanya kasama ang isa pang hindi kilalang babae at nagpahatid sa Monumento.

Pagdating sa Kalayaan Avenue, bumaba ang babaeng nasa front seat at sinabihan ang mga biktima na magkita na lang sila sa Monumento.

Pero ayon sa taxi dri-ver, bago bumaba ang babae ay may kausap sa kanyang cell phone.

Pagdating nila sa kanto ng Visayas Ave., su-mulpot ang dalawang suspek na nakasuot ng helmet lulan ng motorsiklo at pinagbabaril ang mag-ina.

Agad tumakas ang mga suspek lulan ng motorsiklo patungong North Avenue.

(Almar Danguilan)

About hataw tabloid

Check Also

fire dead

Nanay naghanap ng kahoy para panggatong
2 PASLIT NA MAG-UTOL NAABO SA SUMABOG NA TANGKE NG LPG

SILANG, CAVITE — Masusing iniimbestigahan ang pagkamatay sa sunog ng magkapatid na paslit base sa …

Ejay Falcon Alan Peter Pia Cayetano ORIENTAL MINDORO

Mga Cayetano, nagpaabot ng tulong  
1,650 BENEPISARYO, 50 TESDA SCHOLARS PARA SA ORIENTAL MINDORO

UMABOT sa 1,650 benepisaryo mula sa iba’t ibang sektor at distrito sa Oriental Mindoro ang …

PCMC MRI and CT scan Pia Cayetano Bong Go

Cayetano nanguna sa pasinaya  
STATE-OF-THE-ART MRI, CT SCAN EQUIPMENT, ATBP FACILITIES SA PCMC

PINANGUNAHAN ni Senadora Pia Cayetano ang pagbubukas ng Philippine Children’s Medical Center (PCMC) para sa …

Navoteño solo parents cash subsidy

Navoteño solo parents tumanggap ng buwanang cash subsidy

SINIMULAN ng pamahalaang lungsod ng Navotas ang pamamahagi ng buwanang cash subsidy para sa mga …

drugs pot session arrest

4 arestado sa pot-session sa Valenzuela

SWAK sa kulungan ang apat katao matapos mahuli sa akto ng mga pulis na sumisinghot …

Leave a Reply

Your email address will not be published. Required fields are marked *