Lakas ni Coco sa ratings, ‘di na kinukuwestiyon (Ilang beses na kasing nag number-one ang mga teleserye…)

ni  Reggee Bonoan

ANG Ikaw Lamang nina Coco Martin at Kim Chiu ang ipapalit sa Got To Believe na ayon sa fans ng KathNiel ay, “goodluck sa papalit na programa sa slot ng ‘G2B’ dahil alam naman nating delikado ang timeslot na ‘yan at ang makakatapat ay si Marian Rivera na hindi lang maka-ungos dahil sobrang lakas ng ‘G2B’.”

Para sa supporters ng KathNiel ay gusto lang naming ipaalala na serye ni Coco ang ipapalit at dati ng timeslot ng aktor ang iiwan ng Got To Believe na mas maaga pa nga rati dahil pagkatapos ito ng TV Patrol.

Hindi nga ba’t inabot halos ng isang taon ang Juan de la Cruz na ni minsan ay hindi naungusan ng mga katapat na programa ng TV5 at GMA 7?

Kaya sa mga nagtatanong ng kakayahan ni Coco pagdating sa ratings game ay hindi na dapat kinukuwestiyon dahil maraming beses na niya itong napatunayan na siya ang Hari ng Teleserye.

Eh, kasama pa si Kim na Prinsesa ng Teleserye at alam nating maraming supporters din ang aktres maski na hindi si Xian Lim ang kasama niya.

At siguro naman marami ring fans sina Jake Cuenca at Julia Montes na makatutulong din para abangan gabi-gabi ang Ikaw Lamang.