Thursday , December 3 2020
Breaking News
You are here: Home / News / Duterte sa 2016 ok kay Lim

Duterte sa 2016 ok kay Lim

SUSUPORTAHAN ng dating heneral at Manila Mayor Alfredo Lim ang anomang posisyon sa pamahalaan na aasintahin ni Davao City Mayor Rodrigo Duterte sa 2016.

Ginawa ni Lim ang pahayag matapos lumutang  ang pagnanais ng ilang grupo na himukin si Duterte na kumandidato sa pambansang posisyon sa 2016 elections.

Ani Lim, hinahangaan niya ang pagpapairal ng peace and order ni Duterte sa kanilang lungsod kaya nakapamumuhay nang matiwasay ang mga residente at walang nangingiming lumabag sa batas sa Davao City.

Isa sa mga pruweba na iginagalang ang rule of law sa siyudad ay nang hulihin at pagmultahin ang anak ng alkalde na dati si dating Mayor Sarah Duterte dahil sa paglabag sa batas-trapiko.

“Magiging malaking tulong sa pagsasaayos ng peace and order ng Filipinas kung may isang Duterte na igagalang at katatakutan ng mga kriminal, walang mag-aabuso dahil ang pinuno at kanyang pamilya ay tumatalima sa rule of law,” dagdag ni Lim.

Matatandaang inilarawan ni Time correspondent Phil Zabriskie sa kanyang artikulong “ Getting the Job Done Punisher Style” ang Davao City bilang “an oasis of peace in the middle of the Philippines’ lush center of chaos” mula nang maging alkalde si Duterte.

“People once fled the place in fear; now they flee other trouble spots in the Philippines — for Davao,” sabi ni Zabriskie.

Naniniwala si Lim na kung iiral sa buong bansa ang kaayusan at katahimikan, gaya sa Davao City, tiyak na magbubunga ito ng paglago ng ekonomiya kaya’t magkakaroon ng sapat na trabaho para sa mga mamamayan upang maitaguyod  ang kanilang pamilya.

(PERCY LAPID)

About hataw tabloid

Leave a Reply

Your email address will not be published. Required fields are marked *

*

Scroll To Top