Saturday , December 5 2020
Breaking News
You are here: Home / News / Pasahero sinalpok ng SUV 2 patay 3 sugatan (Truck, 2 jeep nadamay)

Pasahero sinalpok ng SUV 2 patay 3 sugatan (Truck, 2 jeep nadamay)

Dalawa ang kompirmadong patay sa karambola ng apat sasakyan sa C5-Eastwood, Quezon City, Linggo ng madaling araw.

Kinilala ang isa sa mga biktimang si Jamel Pacasum, taga- Cainta, Rizal, pababa na sana mula sa sinakyang jeep nang banggain ng Ford Escape.

Sa lakas ng pagkabangga, nahati ang katawan ni Pacasum habang namatay  rin si Ren Joseph Garcia, pasahero ng Ford Escape na noo’y nakaupo sa unahan ng sasakyan.

Sugatan ang driver ng Ford na si Jonathan Reyes na ginagamot na sa Medical City saTaguig at ang dalawa pa niyang kasamang sina Leonardo Miguel at Carlos Salazar.

Ayon kay QC Traffic Police Investigator PO3 Renato Sunga, nasugatan din ang hindi pa kilalang driver ng jeep na tumakas matapos ang insidente.

Nabatid na nasa ikalawang lane mula sa bangketa ang jeep at nagbababa ng mga pasahero nang banggain ito ng humaharurot na Ford Escape.

Dahil sa lakas ng pagkabangga, naitulak ng jeep ang dalawa pang nakahintong jeep habang isang trailer truck  ang sumabit ang gulong sa center island sa tangkang pag-iwas sa aksidente.

Sinasabing nanggaling sa “gimmick” ang mga sakay ng nakabanggang AUV.

About hataw tabloid

Leave a Reply

Your email address will not be published. Required fields are marked *

*

Scroll To Top