Tuesday , December 1 2020
Breaking News
You are here: Home / News / ‘Mangangalakal’ naghanap ng bakal tigbak sa bumagsak na pader

‘Mangangalakal’ naghanap ng bakal tigbak sa bumagsak na pader

PATAY ang 48-anyos laborer, matapos madaganan ng  bumigay na pader sa isang gusali sa Muntinlupa City,  kamakalawa ng umaga.

Kinilala ni Muntinlupa City Police Chief Sr. Supt. Roque Eduardo Vega, ang biktimang si Joselito Bairoy, ng Barangay Upper Sucat, namatay noon din.

Ayon kay SPO1 Eduardo Rodaje, imbestigador ng Investigation Detective & Management Section (IDMS), dakong 9:30 ng umaga nangyari ang insidente sa  bakanteng lote nasa 37 Km 23, Ibarra St., Rizal Village, Cupang.

Sa ulat, kasama ng biktima ang dalawa katao na naghahanap ng mga bakal na kanilang maibebenta.

Samantala, naghahanda na ng makakain ang dalawang kasama ng biktimang sina Jimmy Solano, 58, at Julian Macuha,40,  pawang taga-Brgy. Upper Sucat, patuloy pa sa paghahanap ng bakal si Bairoy.

Habang abala sa paghahanap ng bakal, walang kamalay-malay ang biktima na babagsakan siya ng pader mula sa itaas ng  gusali na sanhi ng kanyang kamayan.

(JAJA GARCIA)

About hataw tabloid

Leave a Reply

Your email address will not be published. Required fields are marked *

*

Scroll To Top