Friday , December 4 2020
Breaking News
You are here: Home / Showbiz / Coco, mula sa pagiging indie film actor, producer na ngayon!

Coco, mula sa pagiging indie film actor, producer na ngayon!

 ni Vir Gonzales

ISANG malaking sugal din ang mag-produce ng pelikula, kaya naging wise ang Teleserye King na si Coco Martin na kumuha ng artistang puwedeng maipagmalaki. Ito ay para sa indie movie na gagawin niya, ang Padre de Familia.

Maging noong araw, nasa Pampanga pa ang actor, matindi ang paghanga niya kay Nora Aunor. At nakatataba ng puso naman ito para kay Guy.

Hindi naman natatakot si Coco na humarap kay Guy sa pag-arte dahil kahit paano, nakatulong ng malaki ang mga bigating malalaking seryeng ginawa niya sa ABS-CBN at makatabaho ang mga higanteng stars like Susan Roces, Helen Gamboa, Dante Rivero, at iba pa.

Napupuri rin ni Susan si Coco sa pag-arte nito. Dibdiban daw at kinakarir talaga. Gusto naming kamayan ang mga dating kakilala ni Coco na tumulong sa kanya noon na sina Ihman Esturco atCoco Simo. Hindi nila akalaing ang pinagpaguran nilang artistang kasama-sama noon sa raket ay magiging isang bigating star at producer pa.

Ang kapalaran nga naman ng tao, walang makapagsasabi. Malaking tulong din kay Coco si DirekBrilliante Mendoza sa pagbibigay tiwala kay Coco, na walang pumapansin noon. Sino bang makapagsasabinh galing lang siya sa mga indi films, aber?

***

Personal….Together with Barangay Konsehal sa Subic, Baliuag, na-invite kaming mag-judge sa isang event, ang Baliuag Got Talent kasama sina Konsehal Nerie San Juan, Ica Dela Merced, Erlinda Garcia, na isang guro at Pangulo ng kapistahan, balik-bahan Rafael Maglonzo noong February 11.

Dumating ang butihing Mayor ng Baliuag na si Dra. Carolina Dellosa kasama ang kanyang kabiyak na si Sir James Delloza, na nagkataong kaarawan din ng araw na iyon. Pinasaya nila ang mga taga-Subic, nagkaroon ng sayawan at nagpa-agaw pa ng pera sa mga bata.

Abala naman ang Barangay Chairman na si Allan Bautista katuwang si Mon Maglonzo at iba pa. Sobrang saya ang nadama ng mga taga-roon dahil 10 taon ding hindi nakapagdiwang ng tulad nito. Sa inyong lahat Happy Fiesta.

About hataw tabloid

Leave a Reply

Your email address will not be published. Required fields are marked *

*

Scroll To Top