Tuesday , December 1 2020
Breaking News
You are here: Home / Sports / Nilargahan ng hindi pa nakahanda

Nilargahan ng hindi pa nakahanda

Nagkaroon na naman ng hindi inaasahang pangyayari sa largahan o sa loob ng aparato (starting gate) nung isang hapon sa pista ng SLLP sa Carmona, Cavite. Iyan ay naganap sa ikapitong karera na paratingan pa naman sa unang set ng WTA event at panimula ng 2nd Pick-6 event. Mula sa likod ng aparato ay huling ipinasok ang pangalawang paborito na si Dinagyang na sinakyan ng Christian M. Pilapil. Pagkapasok sa kanyang stall ay dumamba at naging malikot ang nasabing kalahok. Narinig din sa audio ng tv monitor ang ingay at mga sinasabi ng mga tao habang nasa loob ng gate. Umaabot sa halos tatlong pakiusap si Christian na saglit lang at huwag munang largahan dahil bukod sa nagloloko pa si kabayo ay hindi pa siya nakasakay. Laking gulat na lamang ng mga nanonood na biglang largahan ng hindi pa nakasahanda si Christian sa ibabaw ni Dinagyang, kaya bukod sa naiwan ay kamuntik pang mauntog sa bakal dumamba at pagkalapag sa pista ay kitang-kita na hindi pa nakasuksok o nakatapak ang kanang paa sa estribo ni hinete. Sa puntong iyan ay iba-‘t-ibang reaksiyon at komentaryo kaagad ang narinig sa OTB, lalong-lalo na iyong mga nakataya kay Dinagyang. At hanggang kahapon ay naging usapin pa ang nangyaring iyan. Maaaring mapanood ang replay ng karerang iyan sa youtube, i-search lang ang “MJCI-020914-R07”. Sa pagkakataong ito ay tinatawagan kong pansin ang tanggapan ng PHILRACOM na paki rebisa ang insidente at makausap na rin ang largador kasama ang starting boy upang mabigyang halaga naman ang mga BK’s, gayon din ang may-ari na si Ginoong Wilbert T.Tan na namumuhunan kay Dinagyang. Maraming salamat po. Von Voyage kay Sir Edgar Dizon sa kanyang pagbiyahe bukas patungo sa ibang bansa, ingat na rin sa inyong paglalakbay.

Fred L. Magno

About hataw tabloid

Leave a Reply

Your email address will not be published. Required fields are marked *

*

Scroll To Top