Friday , December 4 2020
Breaking News
You are here: Home / Sports / San Mig vs RoS sa Finals?

San Mig vs RoS sa Finals?

LUSOT na ang Rain Or Shine sa finals ng PLDT MyDsl-PBA Philippine Cup.

Naghihintay na lang sila ng makalalaban sa mananalo sa semis ng Barangay Ginebra at San Mig Coffee.

Lamang ang San Mig sa serye, 3-2 at marami ang nagsasabi na malaki ang posibilidad na sila nga ang sasampa sa finals para makaharap ng ROS.

Ngayon pa lang ay may kantiyaw na ang mga miron sa posibleng paghaharap ng ROS at San Mig.

Biruin mo nga  naman na maghaharap ang dalawang teams na may pinakamaangal na coaches sa hanay ng mga teams sa PBA?

Bintang kasi ng mga miron lalo na sa aming lugar sa Tondo na nadadarag nina coach Tim Cone at coach Yeng Guiao ang mga reperi kapag todo na ang kanilang ANGAL.

Si Cone ay halos kainin ng buo ang reperi kapag umaangal sa mga ayaw niyang tawag.   Harapan kung isigaw niya ang protesta sa tawag ng rep.

Si Guiao naman, bukod sa malalakas na sigaw ay may dagdag pa iyon ng mura at senyas ng FY.

He-he-he.  Kunwari ngang nagharap ang dalawang teams sa finals—tiyak na litung-lito ang mga reperi sa angas ng dalawang coaches.

Ang ikinatatakot ng mga miron sa aming lugar, baka mataranta na ang tatlong reperi na tatayo sa bawat laban.

At kapag nangyari iyon—magulong finals ang nakikita natin.

Komento nga ng isa sa miron sa amin, bakit hindi gumawa ng bagong rules ang PBA na maglilimita sa mga angas ng mga coaches.   Nakakasira kasi nga naman sa  ”flow” ng laro ang matitinding angal nina Cone at Guiao.

Alex L. Cruz

About hataw tabloid

Leave a Reply

Your email address will not be published. Required fields are marked *

*

Scroll To Top