Wednesday , December 2 2020
Breaking News
You are here: Home / News / 5 arestado, 16 babae nasagip sa human trafficking

5 arestado, 16 babae nasagip sa human trafficking

CAMP OLIVAS, Pampanga – Kalaboso ang lima katao habang 16 kababaihan ang nasagip sa human trafficking sa pagsalakay ng mga awtoridad sa isang bar sa red light district ng Angeles City, Pampanga.

Ayon kay Central Luzon Police director, Chief Supt. Raul Petra Santa, huli sa akto na umiistema ang assistant bar manager ng Shadow Bar sa E. Santos sa bayan ng Balibago, na si Marissa Gayo, 32, nakatira sa Sto. Tomas, Sta. Maria, Bulacan, at apat pang kasamahan na sina Beverlyne Balaba, 38; Mary Grace Terado, Mary Jane Pama, at Melanio Cruz Jr., 68, caretaker, pawang ng lalawigan ng Pampanga.

Nasagip naman ang 16 kababaihan na hinihinalang pawang menor de edad ang karamihan.

Ang pagsalakay ay isinagawa sa pakikipagtulungan ng International Justice Mission, non-governmental organization, na tumututok sa pagsugpo sa human trafficking na laganap sa bansa.           (RAUL SUSCANO)

About hataw tabloid

Leave a Reply

Your email address will not be published. Required fields are marked *

*

Scroll To Top