Thursday , October 22 2020
Breaking News
You are here: Home / Showbiz / Huwag n’yo munang husgahan si Deniece — Lolo Rod

Huwag n’yo munang husgahan si Deniece — Lolo Rod

ni Ed de Leon

FINALLY, may isang kaanak din si Deniece Cornejo na lumantad para suportahan siya, ang inirerespetong propesor at dating executive ng GMA Network na si Rod Cornejo. Si Rod iyong talagang lolo ni Deniece na kasama niya sa picture sa kanyang social networking account, dahil hindi naman siya masyadong kilala ng media, ang sinabing lolo ng modelo ay si Felipe Gozon na Chairman ngayon ng GMA.

Siyempre naroroon iyong contempt sa parte ng mga kumakampi kay Vhong Navarro. Sa mga taong showbiz, natural kampihan nila si Vhong dahil kasamahan iyan eh, samantalang iyon namang si Deniece ni hindi nila kilala. Iyon din naman ang sinasabi ni Rod, na huwag munang husgahan ang kanyang apo dahil hindi nila kilala iyon.

Sa totoo lang maraming gumagawa ng sariling conclusions eh. Minsan nakasakay kami sa taxi, may isang announcer sa radio na sinasabing text message iyon sa kanya ng isang nakikinig at sinasabing “masamang babae iyang si Deniece”. Ipagpalagay natin na may text nga ang isang nakikinig, dapat bang basta basahin iyon on the air ng isang responsableng miyembro ng media?

Siguro nga hindi sila naniniwala sa mga sinasabi ni Deniece. Siguro nga nakikita nilang inconsistent ang mga statement niyon. Kahit ang NBI nagsabing hindi puwede mangyari ang bintang ni Deniece dahil minuto lamang ang pagitan sa nakuha nilang CCTV videos. Maaaring hindi sila aware pero may ginagawa na agad silang conclusion. Judgemental na agad sila. Pero may nakita ba silang CCTV noong unang pagdalaw ni Vhong, na inaamin nga rin niyang “may nangyari”? Iyon bang pangyayaring iyon ay kagustuhan din niyong babae?

Iyon ang mga question na dapat tinatanong din natin objectively. Dapat magkahiwalay ang ginagawang imbestigasyon sa kaso ng bugbugan, at kung ano ang nangyari at naganap sa bugbugang iyon. Kaya palagay namin, may sense ang sinabi ni Rod na hintayin muna natin kung ano ang kalalabasan basta humarap na sila pareho sa korte, hindi sa telebisyon.

Pele Inigo, ipapangalan nina Jolens at Mark sa magiging anak

DOON muna tayo sa magandang balita.

Halata mong happy, pero siyempre may nerbiyos din naman si Jolina Magdangal na nakatakda nang magsilang ng kanyang first baby.

Minsan nga napag-uusapan namin, tingnan mo iyang si Jolina, noong araw neneng-nene pa iyan na pakanta-kanta roon sa Ang TV, ngayon ay magiging nanay na. Parang napakabilis ng takbo ng panahon.

Ngayon, dahil modern na nga, may scanning na, nalaman na nilang isang baby boy ang magiging panganay nila ni Mark Escueta. Naisipan na rin nila na ang ibibigay na pangalan sa kanilang unang anak ay Pele Inigo Escueta. Sana naman huwag mahirapan sa kanyang panganganak si Jolina.

 

About hataw tabloid

Leave a Reply

Your email address will not be published. Required fields are marked *

*

Scroll To Top