Thursday , October 22 2020
Breaking News
You are here: Home / Sports / Reyes ayaw munang pag-isipan ang mga kano

Reyes ayaw munang pag-isipan ang mga kano

NASA Espanya ngayon ang head coach ng Gilas Pilipinas na si Chot Reyes upang dumalo sa bunutan para sa FIBA World Cup na gagawin doon bukas ng madaling araw, oras sa Pilipinas.

Malalaman na sa nasabing bunutan kung saang grupo ilalagay ang Gilas ngayong kumpleto na ang 24 na bansang kasali sa torneo sa pangunguna ng punong abalang Espanya at ang defending champion na Estados Unidos na pinagbibidahan ng mga NBA superstars tulad nina LeBron James at Kevin Durant.

”It doesn’t matter kung saan kami ilalagay,” wika ni Reyes. “It’s good to be bracketed with the US para makalaban natin … Pero hindi ko na iniisip ‘yun. Ang iniisip ko, sana may team na ako. My thoughts now is to have a team. I hope that we will have a well-prepared team.”

Kasali rin sa torneo ang iba pang mga qualifiers mula sa mga FIBA tournaments tulad ng Iran, South Korea, Angola, Argentina, Australia, Croatia, Dominican Republic, Egypt, France,  Lithuania, Mexico, New Zealand, Puerto Rico, Senegal, Serbia, Slovenia at Ukraine.

Nakapasok naman bilang mga wildcard ang  Brazil, Finland, Greece at Turkey.

Hindi nakapasok ang Tsina bilang wildcard pagkatapos na umatras ito dulot ng problema sa kanilang koponan na pumalpak sa huling FIBA Asia noong Agosto dito sa Pilipinas.              (James Ty III)

About hataw tabloid

Leave a Reply

Your email address will not be published. Required fields are marked *

*

Scroll To Top