Friday , March 29 2024

Epektibo ang adjustment ng Petron

OBVIOUSLY, ang pinaghahandaan ng Rain Or Shine nang husto ay kung paano dedepensahan si June Mar Fajardo na siyang main weapon ng Petron Blaze hindi lang sa kanilang semifinals series kungdi sa kabuuan ng Philippine Cup o ng season.

Kay Fajardo na nakasalalay ang kinabukasan ng Boosters for now.

Kung madodomina ni Fajardo ang liga, natural na madodomina ng Petron ang kalaban sa kasalukuyang conference at sa mga dadating pa.

So, ang battle cry ng sinumang makakatapat ng Petro ay: Stop Fajardo, stop Petron!

At iyon naman talaga ang nangyari sa unang dalawang games ng best-of-seven semis ng PLDT myDSL PBA Philippine Cup.

Si Fajardo ang pinuntahan ng opensa ng Petron, siya ay pinigilan at pinahirapan ng Rain Or Shine at nanalo ang Elasto Painters.

So, ang bigatng adjustmenrts ay napunta sa balikat ni Petron coach Gelacio Abanilla III.

Ano ang dapat gawin?

Simple. Huwag pilitin kay Fajardo. Marami namang ibang sandata ang Petron, e. nasa kanila ang reigning Most Valuable Player na si Arwind santos. Nasa kanila ang matinding point guard na si Alex Cabagnot. nasa kanila ang mga dating shooters ng Gilas Pilipinas na sina Chris Lutz at Marcio Lassiter. marami pang ibang puwedeng puntahan.

Doon nga sila nagpunta sa Game Three.

Hindi pinilit ni Fajardo ang kanyang opensa at naidikta ng Petron ang laro.

Nang malaki na ang abante ng  Boosters matapos ang first half, doon lang hinanap ni Fajardo ang kanyang puntos, Katunayan, nagmintis siya sa unang anim na tira niya sa third quarter kung kaya’t nagkaroon ng run ang Rain Or Shine.

Pero nang hindi na siya nagpilit, muling umarangkada ang Petron at hindi na nakahabol ang Elasto Painters.

Siguradong pinag-aralan ng Rain Or Shine ang naging strategy ni Abanilla sa Game Three.

Siguradong ibang klaseng depensa ang gagawin ng Elasto Painters sa Game Four mamaya.

Malabong magkatambakan ulit!

Sabrina Pascua

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *