Wednesday , October 28 2020
Breaking News
You are here: Home / News / Libing sinoro ng truck 2 patay, 2 kritikal

Libing sinoro ng truck 2 patay, 2 kritikal

LEGAZPI CITY – Agad nalagutan ng hininga ang mag-asawa habang su-gatan ang dalawa pa nang mabundol ng 10-wheeler truck ang kanilang sinasakyang motorsiklo habang nakikipaglibing sa bahagi ng Brgy. Godofredo Reyes, Sr., bayan ng Ragay, Camarines Sur.

Kinilala ang mga namatay na sina Jesus Olisea, Jr. at Neneth Olisea, residente ng Brgy. Port Junction Norte, habang sugatan naman sina Emily Dapul at Jimboy Dapul, residente ng Brgy. Lohong nasabing bayan.

Ayon sa ulat ng Ragay PNP, inihahatid sa huling hantungan ang patay na kamag-anak ng mga biktima nang aksidenteng araruhin ng nasabing truck ang likurang bahagi ng mga nakapilang nakikipaglibing at nahagip ang dalawang motorsiklong sakay ang mga biktima.

Paliwanag ng driver ng truck na kinilalang si Wilfredo Ronquillo, ng Davao City, nawalan sila ng kontrol matapos tangkaing iwasan ang kasalubong na truck na nagresulta sa pagbungo nito sa hanay ng mga nakikipaglibing.

Sa ngayon, nananatili sa kustodiya ng mga awtoridad ang driver habang patuloy namang nilalapatan ng lunas ang dalawang nasugatan sa Bicol Medical Center.

About hataw tabloid

Leave a Reply

Your email address will not be published. Required fields are marked *

*

Scroll To Top