Wednesday , October 21 2020
Breaking News
You are here: Home / News / Gapos gang timbog sa Maynila

Gapos gang timbog sa Maynila

KALABOSO sa isinagawang follow-up operation ng Manila Police District Sampaloc station (PS 4) ang isang miyembro ng Gapos Gang na nanloob sa isang pamilya sa Sampaloc, Maynila, iniulat kahapon.

Nanawagan ang hepe ng Sampaloc Police na si Supt. Christian dela Cruz, sa ibang nabiktima ng grupo na magsadya sa kanilang tanggapan para kilalanin at maidagdag sa asunto ng suspek na kinilalang si Ernesto Perez.

Ayon sa isang biktima, nagpatago sa pangalang Doktora Cindy, nagpalinis ng ngipin si Perez sa kanyang clinic sa Piy Margal kanto ng Dos Castillas noong Lunes, pero pagkatapos ay naglabas ng baril at tinutukan ang doktora, iginapos at pinagnakawan.

Hindi pa nakontento, tinext ni Perez ang biktimang doktora kahapon at humingi ng P50,000 kapalit ng kaligtasan.

Tinakot siya ng suspek na kung hindi magbibigay ay babalikan siya pati ang kanyang pamilya. Agad nagkasa ng operasyon ang pulisya kaya naaresto ang suspek nang abutan ng pera ng doktora.

Narekober kay Perez ang marked money at iba pang gamit, pero todo-tanggi sa krimen.

Samantala,  kinilala ang nasabing suspek ng dalawang biktima  na sina Clarita Zamora at Maribel Zamora, kapwa residente sa A.H. Lacson St., na pinasok ng mga suspek.

(leonard basilio/Jason Buan)

About hataw tabloid

Leave a Reply

Your email address will not be published. Required fields are marked *

*

Scroll To Top