Thursday , October 22 2020
Breaking News
You are here: Home / Showbiz / Kim, gulat na gulat na makakasama si Coco sa isang teleserye (Goodbye na muna kay Julia…)

Kim, gulat na gulat na makakasama si Coco sa isang teleserye (Goodbye na muna kay Julia…)

ni  Reggee Bonoan

FINALLY, magsasama sa Ikaw Lamang ang tinaguriang Hari ng Teleserye at Prinsesa ng Primetime na sina Coco Martin at Kim Chiu.

Hindi halos makapaniwala ang aktres na makakasama niya ang aktor dahil matagal na niyang naririnig na magsasama sila pero hindi naman natutuloy kasi nga hindi naman nababakante ng project ang dalawa.

Noon pa raw plinano ng ABS-CBN management na pagsamahin sina Coco at Kim at hindi lang matuloy-tuloy dahil nga pareho silang busy sa kanilang mga project at noong pumwede na ay biglang nagka-pelikula naman ang aktres, ang Bride For Rent kaya isinantabi muna ito.

At ngayong parehong libre na sina Coco at Kim ay hindi na nagpatumpik-tumpik pa ang Dreamscape at kaagad ng sinabing nakakasa na ang period seryeng Ikaw Lamang mula sa direksiyon ni Malu Sevilla.

Base sa pagtatanong namin ay anak mayaman si Kim at ang mga magulang niya ay may-ari ng pinakamalaking tubuhan sa Negros at isa si Coco sa trabahador nila kasama ang magulang nito.

Anyway, iisa ang tanong ng lahat, bagay daw ba sina Coco at Kim bilang love team, ang sagot namin sa nagtanong, ‘Dreamscape Entertainment can move mountains’.

Sinong mag-aakalang bagay pala sina Coco at Julia Montes na kung tutuusin ay malaki ang agwat ng edad ng aktor sa dalaga?  Heto nga at nagkagustuhan pa ‘di ba?  Hindi lang namin alam kung bakit hindi sila nagtagal.

At heto, na-in love rin si Angeline Quinto kay Coco na hindi namin mawari kung naging sila kasi base sa tsikang narinig namin ay sobrang nagselos ang dalagang singer kay Julia, tama ba Coco ?

Kaya hintayin natin kung ano ring mangyayari kina Coco at Kim ‘pag nagso-shoot na sila ng Ikaw Lamang.

Knowing Coco, alam niya ang kiliti ng babae kaya ang tanong, handa na ba si Kim na magkaroon finally ng boyfriend?  Alam naman nating lahat na single ang dalaga, ‘di ba ateng Maricris?

About hataw tabloid

Leave a Reply

Your email address will not be published. Required fields are marked *

*

Scroll To Top