Wednesday , October 21 2020
Breaking News
You are here: Home / Sports / Reyes haharap sa PBA board tungkol sa Gilas

Reyes haharap sa PBA board tungkol sa Gilas

DADAYO si Gilas Pilipinas coach Chot Reyes sa pulong ng PBA Board of Governors sa Huwebes, Enero 30, upang pag-usapan ang kanyang programa para sa national team na sasabak sa FIBA World Cup ngayong taong ito.

Inaasahang hihingi si Reyes ng isa hanggang dalawang manlalaro para palakasin ang Gilas kasama ang mga nauna niyang manlalaro tulad nina LA Tenorio, Japeth Aguilar, Marcus Douthit, Jeff Chan, Gabe Norwood, Gary David, Ranidel de Ocampo, Jimmy Alapag, Larry Fonacier, Beau Belga, Marc Pingris, Junmar Fajardo at Jason Castro.

Pinaplano rin ng PBA na ayusin ang  iskedyul ng ensayo ng Gilas habang tuloy pa rin ang third conference ng liga  mula Hunyo 1 hanggang Agosto 13.

Sa ngayon, tuwing Lunes muna ang ensayo ng Gilas simula sa Pebrero kapag nakabalik na si Reyes mula sa Espanya kung saan gagawin ang loterya para sa mga grupo sa World Cup.

Bukod sa Gilas, tatalakayin din ni Reyes bilang pinuno ng Sports5 ang pagbabago sa pagpapalabas ng mga laro ng PBA sa TV5.

Sinabi ni Reyes na malaki ang posibilidad na lahat ng mga laro ng PBA ay mapapanood na sa primetime ng TV5 simula sa Commissioner’s Cup dahil nakatakdang baguhin ang programming ng nasabing istasyon.

(James Ty III)

About hataw tabloid

Leave a Reply

Your email address will not be published. Required fields are marked *

*

Scroll To Top