HATAW! D'yaryo ng Bayan hatawtabloid.com
PATUNGONG Europe ang mag-asawang Robin Padilla at Mariel Rodriguez para sa ilang linggong bakasyon sa Pebrero, pero bago sila umalis ay magpo-promote muna sila ng pelikulang Sa Ngalan ng Ama, Ina at mga Anak na mapapanood na sa Enero 29 mula mismo sa RCP Productions na release naman ng Star Cinema.
At dahil dito ay mapapanood sa ilang programa ng ABS-CBN ang mag-asawa para sa promo ng pelikula at nauna na ang interview ni Mariel kay Karen Davila sa ANC at diretsong tinanong ang TV host/actress kung kumusta ang relasyon niya bilang step mother sa mga anak ni Robin sa rati nitong asawang si Liezel Sicangco.
Mabilis na paliwanag ni Mariel, ”they have their mother. I’m just here and there lang.”
Bagamat nakangiti ay halatang hindi type ni Mariel pag-usapan ang tungkol sa nakaraan ng aktor dahil maayos nga naman ang relasyon niya sa mga anak ni Robin.
Natanong din kung kailan nila planong magkaroon ng anak ni Binoe, ”I don’t want to get pregnant, not yet. I’m not ready, physically, mentally, everything.
“So many people are pressuring me. Hindi ko kaya, mamamatay ako. Aso nga wala ako,” esplika ng aktres.
Masaya naman daw sila ni Robin maski walang anak at ginagampanan naman ni Mariel ang papel niya bilang maybahay ng aktor.
In fairness, pagkagising ni Robin ay nakahanda na ang almusal niya at bago umalis ng bahay ay sinisiguro ni Mariel na busog ang asawa at pagdating naman ng bahay ay may nakahanda ring pagkain at lahat ay organic.
“Right now, I’m just really happy with what’s going, I’m not really asking for more. I now have a non-artificial life,” say ni Mrs. Robinhood Padilla.
Samantala, napag-usapan din kung may takot pa rin si Mariel na posibleng mambabae ulit ang asawa dahil nakilala bilang babaero noong kabataan niya.
“It’s still there. Kahit sino naman, fear is always there. You just have to try to have a happy home, happy marriage.
“I guess the fear will always there but he does not give me any reason to doubt that. I think Robin has changed in that aspect. I think he’s at the time of his life that he just wants to settle down already and stick to one, I hope,” say ng aktres.
Sa kabilang banda, maraming nagtatanong kung ano ang project ni Mariel ngayong wala na siya sa TV5 na nauna naming isinulat na posibleng bumalik siya sa ABS-CBN dahil nakita siya rating nakipag-meeting kay Direk Laurenti Dyogi, pero nang tanungin naman namin ang TV host/actress ay nagkumustahan lang daw sila at hindi naman napag-usapan ang project.
Base rin sa pagtatanong namin ay hindi binanggit na makakasama ni Toni Gonzaga si Mariel sa pagbabalik ng Pinoy Big Brother ngayong taon.
