HATAW! D'yaryo ng Bayan hatawtabloid.com
ARESTADO ang apat menor de edad matapos gahasain ang kanilang kabarkada sa basketball court sa Tondo, Maynila.
Kinilala ni Supt. Ro-derick Mariano, ng MPD Station 7, ang mga suspek na sina Christian John Gomez, 18; alyas Mike, 15; alyas Claude, 17; at alyas Toni, 17, pawang ng Tondo, Maynila.
Ang mga suspek ay itinuturong responsable sa naganap na gang rape sa biktimang si alyas Ai-Ai, 19, noong gabi ng Enero 11 sa basketball court ng F. Torres Bugallon.
Ayon sa salaysay ng biktima, nag-iinoman silang magbabarkada sa nasabing lugar nang siya ay makatulog dahil sa matinding kalasingan.
Ngunit nang siya ay magising ay wala na si-yang saplot sa katawan at nakaramdam ng matin-ding pananakit ng kasela-nan.
Nitong Enero 22, dakong 7:30 p.m. ay muli siyang inimbitahan na mag-inoman ng mga suspek.
Nagkunwaring pumayag ang biktima ngunit lingid sa kanilang kaalaman ay nagsama ng mga pulis ang dalagita at itinuro ang mga suspek na halinhinang humalay sa kanya.
Ang mga suspek ay dinala na sa Manila Youth and Reception Center upang doon manatili habang dinidinig ang kaso laban sa kanila.
(LEONARD BASILIO/JASON BUAN)
