Thursday , October 22 2020
Breaking News
You are here: Home / Showbiz / Martin Escudero, muling humahataw ang career!

Martin Escudero, muling humahataw ang career!

MASAYA si Martin Escudero sa muling pagiging aktibo niya sa showbiz. Kung noong after niyang magbida sa pelikulang Zombadings: Patayin sa Shokot si Remington ay tila nawala ang momentum ng kanyang career dahil hindi ito nabigyan ng magandang follow-up, ngayon ay nagpapasalamat siya sa patuloy na pagdating ng blessings.

Umaasa si Martin na makababawi siya at muling gaganda ang showbiz career tulad ng dati.

Bukod sa sunod-sunod ang project niya sa TV5, isa rin si Martin sa lead stars ng pelikulang Mumbai Love na showing na ngayong Wednesday, January 22. Ang pelikulang tinatampukan nina Solenn Heussaff at Kiko Matos ay mula sa pamamahala ni Direk Benito Bautista.

Tampok din dito sina Jayson Gainza, Raymond Ba-gatsing, Ronnie Lazaro, at marami pang iba.

Ang Mumbai Love ay isang feel good movie na may hatid na kilig dahil sa twist ng love story nina Solenn at Kiko. Maki-kita  rin sa pelikulang ito ang ilang kaugalian ng India at ang kanilang pagiging masinop sa negosyo.

Siyempre pa, puno rin ito ng mga nakatatawang eksena na karamihan ay mula kina Jayson at Martin.

Anyway, bukod sa Mumbai Love ay magsisimula na rin this week ang TV series ni Martin sa Kapatid Network na pinamagatang Obsession. Ito ay isang psycho-drama na umiikot sa pag-ibig, paghihiganti, at kahibangang dulot ng labis na paghahangad sa dalawang ito.

Nagpapasalamat nga si Martin sa mga oportunidad na ibinibigay sa kanya ng TV5.

“Siguro nagkakataon lang na napapansin tayo ngayon. Kaya pinagbubutihan natin nang todo talaga para hindi masa-yang ‘yung tiwala sa akin.

“Iyong papel ko rito, parang womanizer ako roon na sobrang malupit sa chicks. Pero one time makakakita ng katapat niya, ‘yung babae mao-obsess sa akin. Tapos ay doon na magsisimula ‘yung storya,”

Bukod kay Martin na gina-gampanan ang papel na James, tampok din sa Obsession sina Marvin Agustin (Ramon), Neri Naig (Bernadette), at Bianca King (Vanessa). Kasama rin sa cast sina Elizabeth Oropesa bilang Regina, isa rin doktor at ina ni Ramon; at si Maureen Mauricio bilang Eliza, ang maalalahaning ina ni Bernadette na isasakripisyo ang lahat para sa kanyang anak.

Ipalalabas ang Obsession sa TV5 simula January 23, 8PM sa direksyon ni Direk Jay Altarejos

nonie V. Nicasio

About hataw tabloid

Leave a Reply

Your email address will not be published. Required fields are marked *

*

Scroll To Top