Thursday , October 22 2020
Breaking News
You are here: Home / Showbiz / 3 programa ni Sharon sa TV5, ‘di nag-rate (Kaya natsutsugi agad…)

3 programa ni Sharon sa TV5, ‘di nag-rate (Kaya natsutsugi agad…)

ANG Confession of A Torpe pala ang kapalit ng na-shelve na The Gift ni Ogie Alcasid at makakasama niya sina Gelli de Belen, Wendell Ramos, Bayani Agbayani, Jojo Alejar, Bibeth Orteza, Mark Neuman, Shaira Mae, Albie Casino, at Alice Dixson mula sa direksiyon nina Soxy Topacio at Topel Lee.

Ang nasabing romantic-comedy serye ang kapalit ng Madam Chairman ni Sharon Cuneta sa TV5 kaya pala paspasan na ang taping dahil sa Marso 3 na ito eere.

Kuwento mismo ng taga-TV5, hindi raw masyadong nagri-rate ang Madam Chairman at in-extend lang ito.

Maging ang The Mega and The Songwriter ay malapit na rin daw mamaalam dahil papalitan naman daw ng dalawang programa na My Pirated Family at drama anthology.

Matatandaang sumama ang loob ni Mega rati sa programa niyang Sharon, Kasama Mo Kapatid dahil hindi ito nagtagal at nagkaroon ng problema sa production.

Mabuti na lang at may kapalit kaagad ang mga programang mawawala ng Megastar.

Ngayong 2014 ay mag-aapat na taon na si Sharon sa TV5 at nakaka-tatlong programa palang siya, “hindi nga sulit, eh, kaya binigyan ulit,” sabi sa amin.

Reggee Bonoan

About hataw tabloid

Leave a Reply

Your email address will not be published. Required fields are marked *

*

Scroll To Top