Thursday , October 22 2020
Breaking News
You are here: Home / Showbiz / Imahe ng mga bombay, babaguhan ng Mumbai Love (Hindi lang daw sila ‘yung kilalang nagpapa-utang ng 5-6)

Imahe ng mga bombay, babaguhan ng Mumbai Love (Hindi lang daw sila ‘yung kilalang nagpapa-utang ng 5-6)

BILIB kami sa lakas ng loob ng producer ng pelikulang Mumbai Love na tumatalakay sa love story ng isang Pinay at Indian dahil iilang artista lang ang kilala sa cast, sina Jayson Gainza, Kiko Matos, Martin Escudero, Raymond Bagatsing, at Solenn Heussaff na sinuportahan naman nina Jun Sabayton, Romy Daryani at iba pa.

Ang baguhang producer na si Niel Jeswani na may-ari ng Capestone Pictures ang isang Indian na sa Pilipinas ipinanganak at aminadong mahirap mag-produce ng pelikula lalo’t hindi naman siya kilala pa sa industriya.

Pero dahil fan siya ng romantic comedy movies ay kinausap niya ang kaibigang direktor at writer na si Benito Baustista na gusto niyang mag-produce ng pelikula.

Sa madaling salita ay nabuo ang Mumbai Love at dahil Indian national si Niel kaya gusto niyang i-share sa manonood kung paano naman manligaw at magmahal ang katulad niya.

Nagkabiruan pa nga sa presscon dahil ang pagkakakilala lang daw kasi ng mga Filipino sa mga Bombay ay nagpapautang ng 5-6 at araw-araw kang sisingilin bukod pa sa may mga hindi magagandang imaheng nabuo sa mga bata.

“Kasi noong araw, ang mga magulang kapag hindi mapasunod ang mga anak, ipinananakot, ‘sige ka, kukunin ka ng bumbay, gagawin kang pagkain.’

At sa pamamagitan ng Mumbai Love, sana ay mabago ang imahe ng mga Bombay sa mga Pinoy.

Ipinagtanggol ni Niel ang mga Indian dahil, “kaya po kami masarap magmahal at hinahabol din ng mga babae, remember, sa amin po nagsimula ang Kamasutra (iba’t ibang posisyon ng pagtatalik).

Base sa trailer na ipinakita sa presscon ng Mumbai Love ay walang bago sa kuwento ng dalawang taong nag-iibigan sabi nga, gasgas na.

Ang paliwanag naman ng direktor/writer na si Bautista, “love stories na naikuwento na a million times over, but bumabalik tayo roon kasi ito ‘yung familiar sa atin. It’s always a chance meeting. Everyone has a story about a chance meeting, ‘yung kanilang partner and that’s basically, what it is.

“Ang difference lang nito ay ‘Mumbai Love Story’, in this generation, if you love travelling, mapo-fall in love ka possibly sa city, sa culture and sa foreigner na makikilala mo and vice versa. Ang conflict kung bound ka to fall in love with different culture, so ginawan namin ng magic na Indian love story and that way, we can express arguments for society.”

Optimistic naman ang producer na si Niel na maraming curious sa kuwento at hoping na masundan ulit itong pagpo-produce niya dahil love niya talaga ang pelikulang Pinoy.

Samantala, mapapanood ang Mumbai Love sa Enero 22 nationwide mula sa Capestone Pictures at Solar Entertainment Corporation.

Reggee Bonoan

About hataw tabloid

Leave a Reply

Your email address will not be published. Required fields are marked *

*

Scroll To Top