Thursday , October 22 2020
Breaking News
You are here: Home / News / 21 bebot nareskyu sa red light district (Sa Angeles City)

21 bebot nareskyu sa red light district (Sa Angeles City)

CAMP OLIVAS, Pampanga – Umabot sa 21 kababaihan, kabilang ang 11 menor de edad, ang nasagip ng mga pulis sa pagsalakay sa dalawang bar sa red light district sa Angeles City na sinasabing kontrolado ng mga dayuhan.

Ayon kay Central luzon Police Director, Chief Supt Raul Petra Santa, nakipag-ugnayan ang grupo ng International Justice Missionaries, ang NGO na tumututok sa isyu ng human trafficking sa bansa, at tinalakay ang mga panggabing aliwan sa red light district ng Balibago, at natukoy ang Lovely Paradise Resto Bar at Aby Lyn Wine Bar, sinasabing front ng prostitusyon.

Bunsod nito, ikinasa ang entrapment operation na nagresulta sa pagkakahuli sa dalawang “mamasan” ng Aby Lyn Wine bar na sina Cristine Tanola alyas Tintin at Malou Palconit alyas Malou, kapwa ng nasabing lugar.

Nasakote rin sina Helen Delos Reyes at Josie Mondejar, mga mamasan ng Lovely Paradise Resto Bar.

Timbog rin sa raid ang German national na si Steven Gunter Kohler na hinihinalang utak sa prostitusyon sa naturang bar sa lungsod.

(RAUL SUSCANO)

About hataw tabloid

Leave a Reply

Your email address will not be published. Required fields are marked *

*

Scroll To Top