Saturday , October 24 2020
Breaking News
You are here: Home / Bulabugin / PhilHealth, GOCCs gatasan ng top officials

PhilHealth, GOCCs gatasan ng top officials

00 Bulabugin JSY

KUNG napanood ninyo ang mga pelikulang BRAVEHEART at ROBINHOOD (2010) na tahasang nagpapakita ng pang-aabuso sa batayang masa ng monarkiya sa ngalan ng kanilang paniniwala at simbahan, ‘e ganyan-ganyan din po ang nangyayari ngayon kung paano tayo pinagsasamantalahan ng mga government-owned and controlled corporations (GOCCs) sa ating bansa.

Kung pagbabatayan ang ulat ng Commission on Audit (COA), mahihinuha natin na matagal na tayong pinagsasamantalahan ng GOCCs dahil sa nakukuha nilang BIGTIME BONUSES mula sa kompanya.

Gaya ng Philippine Health Insurance Corp. (Philhealth) na ang pondo ay nagmumula sa kontribusyon ng mga manggagawa at empleyado mula sa public at private sector.

Ang ipinambabayad na kontribusyon ng mga manggagawa at empleyado mula sa pribado at publikong sector ay kinakaltas sa kanilang sweldo saka inihuhulog sa Philhealth.

Gaya nga ng sistema ng monarkiya noong unang panahon na kayod-kalabaw ang batayang mamamayan pero pagdating ng anihan, kukunin na ang kanilang ani ‘e pagbubuwisin pa sila.

Ganyan ang ginagawa sa atin ng Philhealth na sa ulat ng COA ay numero uno ang mga opisyal sa nakakuha ng pinakamalaking bonus noong 2012 sa mga taga-GOCCs na umaabot sa P1.65 billion.

Sumunod na mayroong pinakamalaking bonus ay ang Development Bank of the Philippines (DBP) na umaabot sa P216.8 million.

Ikatlo ang water districts sa Central Visayas na mayroong P186.58 million.

Ang PCSO na mayroong P54.82 million habang ang Philippine Economic Authority (PEZA) ay P48.5 million.

‘Yan po ang top 5 GOCCs na super sa laki ang bonuses.

Sa huling ulat, ipinasasauli raw ng COA ang sobra-sobrang bonus na natanggap ng mga taga-GOCCs.

Mayroon pa kayang maisoli?!

Saan ba talaga kayo nanghihiram ng mga KAPAL NG MUKHA!

 

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected] Para sa mga nakaraang isyu ng BULABUGIN please visit https://www.hatawtabloid.com

About hataw tabloid

Leave a Reply

Your email address will not be published. Required fields are marked *

*

Scroll To Top