Thursday , October 22 2020
Breaking News
You are here: Home / Showbiz / Ilalampaso ni Anne Curtis ang katapat ng “Dyesebel” sa kalabang network (Mabuhay ka Rose “Osang” Fostanes!)

Ilalampaso ni Anne Curtis ang katapat ng “Dyesebel” sa kalabang network (Mabuhay ka Rose “Osang” Fostanes!)

NGAYON palang ay sinasabi na nating  kakain ng alikabok ang sinomang itatapat na teleserye ng kalabang network sa pinaka-bonggasyus, ambisyus, fabulosa, fantastika at kung anik-anik pang superlative adjective that fits to an A-1 teevee series on Philippine television.

Of course, Virginia, ang tinutukoy natin ang klasikong obra ni Mars Ravelo, ang “Dyesebel,” na ilang-ulit-nang-isinabuhay ng iba’t ibang personalidad—local man at dayuhang nagtangkang pasukin ang showbiz.

Oh, laban ka, Virgilio G., ng Malolos, Bulacan, iba talaga ang “utak” ng mga taga-ABS-CBN at ng Viva Bosses, kung pa’no nila ilalatag ang kanilang very effective damage control scheme, matapos ang pagtataray (ikaw ba naman ang i-provoked!) ng pinaka-popular na product endorser this side  of Hollywood—no other than Anne Curtis.

Balitang, si “Dyesebel” pala ang itatapat sa kambal na sirena naman, ng kalabang network, na itatampok ang isang starlet na wala pa naman napatutunayan bilang solo lead sa isa man lang teleserye—ay isang malaking pagwawaldas ng puhunan. (‘Di bale hindi naman galing sa ating bulsa ang salaping mawawaldass kung sakali.)

Oo naman, marami ang humahanga sa kanyang singing prowess na ‘di naman ekstra-ordinaryo kung tutuusin.

Well, abangan nalang natin ang banggaan ni “Dyesebel” kontra kambal na “Dyesebel.”

***

Natawa ako sa isang kolum aytem ng isang katotong halatang berdaderong Noranian.

Kanyang kinokwestiyon ang Film Academy of the Philippines (FAP), sampu ng mga Guilds na nakapaloob dito, kung bakit hindi raw nila nabigyan ni isang citation o pagkilala ang pinakahuling pelikulang tampok ang nag-iisang superstar Nora Aunor na “Ang Kwento ni Mabuti” na dinirehe ni Mes de Guzman.

Banggit pa ng nagse-sentir na katoto, bias daw ang FAP dahil pulos mga pelikula ng Star Magic ang kanilang binigyan ng pagkilala para sa kanilang susunod na LUNA Awards, para sa mga natatanging  pelikula at pagganap noong nakaraang taon.

***

Maraming salamat sa isang Rose “Osang” Fostanes, na nagwaging Grand Champion ng “X-Factor Israel,” nitong madaling araw (oras sa Pinas) ng Miyerkoles. Pinahanga mo hindi lang ang taga-Israel kundi ang buong mundo sa larangan ng sining ng pag-awit at mismong mga hurado ay namangha sa iyong kakaibang paghagod at pagbibigay ng kakaibang rendisyon sa mga awiting pinasikat ng mga Lagy Gaga, Christina Aguilera, Whitney Houston at iba pang pamosong mang-aawit ng Hollywood.

Salamat, at iyong tinuldukan ang isang ‘kalokohan’ na nag-iwan ng stigma sa awiting “My Way,” dahil sa iyong bansang sinilangan, tinatakan itong nagiging sanhi ng madugong patayan sa ilang videoke bar na mayroong nag-aagawan sa nasabing awiting unang pinasikat ni Frank Sinatra.

Dahil sa iyong pagwawagi bilang kaunahang “X-Factor Israel” nalusaw ang sumpa na nakadikit sa awiting “My Way.”

Mabuhay ka Rose Fostanes! Karangalan ka ng bansang Pinas!

Art T. Tapalla

About hataw tabloid

Leave a Reply

Your email address will not be published. Required fields are marked *

*

Scroll To Top