Thursday , October 22 2020
Breaking News
You are here: Home / News / 5 sugatan sa amok sa Bulacan

5 sugatan sa amok sa Bulacan

LIMA katao ang sugatan, kabilang ang isang kritikal ang kondisyon, makaraan mag-amok ang isang lalaki sa San Jose del Monte, Bulacan kamakalawa.

Ang suspek na si Danilo Vellas ay pinagbabaril ang bawat makasalubong matapos makipag-away sa kanyang live-in partner na si Elaine Marian Conocido, ng San Jose del Monte, Bulacan.

Ayon kay Conocido, binaril ni Vellas sa braso at hita, nag-away sila ng suspek nang akusahan siyang may relasyon sa ibang lalaki.

Idiniin ni Conocido na si Vellas ay drug addict at madalas siyang bugbugin.

Kritikal ang kalagayan ng kapitbahay ng mag-asawa, na kinilalang si William Sagib matapos barilin ni Vellas.

Dalawa pang biktimang kinilalang sina Ronnel Gipanao at Ayrold Medina ang sugatan din makaraan barilin ng suspek habang tumatakas mula sa aarestong mga pulis.

Kalaunan ay naaresto rin si Vellas, sugatan din, sa pinagtataguan sa Caloocan City.

Si Vellas ay nahaharap sa kasong illegal possession of firearms and ammunition, frustrated homicide, at reckless imprudence resulting in physical injury.

About hataw tabloid

Leave a Reply

Your email address will not be published. Required fields are marked *

*

Scroll To Top